АБНА24 Хәбәр Верир, Станислав Притчин базар ертәси ҝүнү ИРНА-ја вердији мүсаһибәдә дејиб: "Иран илә Русија арасында имзаланаҹаг стратежи мүгавилә сон дәрәҹә әһәмијјәтлидир вә онда ики өлкәнин мараглары мүхтәлиф саһәләрдә вә сәвијјәләрдә әмәкдашлыгла мүәјјән едилир".
Притчин әлавә едиб: "Иран вә Русијанын дипломатија апаратларынын рәһбәрләри икитәрәфли, реҝионал вә бејнәлхалг әлагәләрин вәзијјәтини вә шәртләрини нәзәрә алараг, ики өлкә арасында бу стратежи сәнәдин имзаланмасынын мүмкүнлүјүнү арашдырыб вә мүзакирә едибләр".
Русијалы аналитик һесаб едир ки, Аврасијанын ики ән бөјүк игтисадијјаты олан Иран вә Русија игтисади әмәкдашлыг үчүн бөјүк потенсиала маликдирләр, лакин мүхтәлиф амилләрә ҝөрә онун реаллашмасы мүмкүн олмајыб.
Притчин, һәмчинин Хәзәр дәнизи, Орта Асија вә Гафгазын тәһлүкәсизлији вә сабитлији үчүн Москва-Теһран әмәкдашлығынын әһәмијјәтини вурғулајыб.
Иран Ислам Республикасынын хариҹи ишләр назири Һүсејн Әмир Абдуллаһијан кечән һәфтә Москваја сәфәри заманы, Иран вә Русија арасында әмәкдашлыға даир стратежи сәнәдин тезликлә һазырланаҹағыны ачыглајыб.
342/
12 oktyabr 2021 - 11:24
Xəbər kodu: 1188114
Русијанын Шәргшүнаслыг Институтунун Мәркәзи Асија вә Гафгаз үзрә Арашдырмалары Мәркәзинин тәдгигатчысы, Иран вә Русија арасында имзаланаҹаг стратежи мүгавиләнин сон дәрәҹә әһәмијјәтли олдуғуна инаныр.
