АБНА24 Хәбәр Верир, бәјанатда дејилир: “Бөлҝәдә һәр һансы ҝеополитик дәјишиклик вә гоншу өлкәләрин сәрһәдләринин дәјишдирилмәси Иран Ислам Республикасынын гырмызы хәттидир вә биз әҹнәбиләрин һәр бир һәрәкәтинин гаршысыны алаҹағыг.”
Бәјанатда сонра гејд олунур: “ Гоншу өлкәләрдә сионист режимин һәрәкәтләринә дөзмәјәҹәјик. Хејбәр Фатеһләри һәрби тәлимләринин дә Араз чајы бојунҹа кечирилмәси сүлһ вә гүдрәт месажы олмагла јанашы сионист режимә хәбәрдарлыгдыр.
Бизим гоншу өлкәләрлә; о ҹүмләдән гардаш Азәрбајҹан Республикасынын мүсәлман халгы вә дөвләти илә әлагәләримиз давамлы вә сабитдир. Она ҝөрә дә дүшмәнләрин вә гондарма Исраил режиминин тәфригә вә фитнә салмалары бу гардашлыг вә вәһдәти сарсыда билмәјәҹәк. Иран халгы һеч заман бөлҝәнин тәһлүкәсизлији вә өлкәнин марагларына гаршы тәҹавүзләрин гаршысында сусмајаҹаг. Иран Ислам Республикасы гоншу өлкәләрлә; о ҹүмләдән Азәрбајҹанла динҹ јанашы гоншулуг сијасәтиндә өз гардашлығыны сүбут едиб. Белә бир шәраитдә бәзиләринин тәфригәчи вә фитнә салан чыхышлары динҹ јанашы гоншулуг принсипинә зиддир. Азәрбајҹандан истәнилир ки, тезликлә фитнәләрин вә тәфригәли рәфтарларын гаршысыны алсын. Биз депутатлар Хејбәр Фатеһләри һәрби тәлимләринин кечирилмәсини дәстәкләјир вә Хариҹи Ишләр Назрлијиндән истәјирик ки, милләт вәкилләринин хәбәрдарлығыны Гафгаз һөвзәсиндәки ојунчу дөвләтләрин диггәтинә чатдәрсын.”
342/
4 oktyabr 2021 - 15:09
Xəbər kodu: 1185850
Иран Ислам Шурасы Мәҹлиси бәјанат јајараг бөлҝәдә ҝеополитик дәјишиклијин јолверилмәз олдуғуну вурғулајыб.
