АБНА24 Хәбәр Верир, Иранын Ҹеневрәдәки нүмајәндәлијинин инсан һаглары үзрә мүшавири Сејид Мәһәммәд Садатинежад инсан һаглары шурасынын 48-ҹи јығынҹағында чыхыш едиб. О, јығынҹағын иш ҝүндәминин једдинҹи маддәсинин үмуми мөвзусу алтындакы чыхышында сионист режимин ҹинајәтләринин писләнилмәси һагда белә дејиб: Өтән 70 ил әрзиндә Фәләстин/ бәшәријјәтә гаршы ҹинајәт, сојгырымы, һәрби ҹинајәтләрин бүтүн формалары, һәбс, өзбашына гәтл, систематик ишҝәнҹә, әһали тәркибинин дәјишдирилмәси, етник тәмизләмә вә гәтли-ам кими сајсыз-һесабсыз ҹинајәтләрә елә бир һалда дөзүбдүр ки, санки Фәләстинин сонсуз ишғал едилмәсинин әввәлиндән, Исраил режиминин һәрәкәт тәрзи вә фәндинә чеврилибдир.
О, сионист Исраил режиминин, онун ишғал етдији Фәләстиндәки ҹинајәтләринин давам етмәси илә бағлы бу режимин мәһбәсләриндә јүзләрлә фәләстинли ушағын аҹынаҹаглы вәзијәтинә ишарә илә гејд едиб ки, онлар үмумиликдә даш атмагда иттиһам олунурлар.
Бу иранлы дипломат һәмчинин гејд едиб ки, дүнја иҹтимаијјәтинин бу апартеид режими бејнәлхалг ганунлара садиг галмаға вадар етмәкдәки аҹизлији, фәләстинлиләрә гаршы төрәдилән ҹинајәтләрә сон гојмаг үчүн тәсирли, гәтијјәтли вә тәҹили аддымлар истигамәтиндә БМТ-нин инсан һаглары механизмләринин ағыр мәсулијјјәтини икигат артырыр.
342/
4 oktyabr 2021 - 15:07
Xəbər kodu: 1185848
Иранын БМТ-нин инсан һаглары шурасынын Ҹеневрәдә кечирилән јығынҹағындакы нүмајәндәси бу тәшкилатдан сионист режимин Фәләстинә гаршы ҹинајәтләринә сон гојмаг үчүн тәҹили вә гәтијјәтли тәдбирләр ҝөрмәсини истәјиб.
