Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Имам Һүсејнин (ә) Гонаглары чадырынын хидмәтчиси "Һани Сәид Һәмид" АБНА сајтынын Ирагдакы хүсуси мүхбиринә вердији ексклүзив мүсаһибәсиндә билдириб: “Мән Бәсрә сакинијәм вә 1987 -ҹи ил тәвәллүдлүәм вә Имам Һүсејнин (ә) Әрбәин мәрасими јүрүшүнә гатыланлара хидмәт едирәм.
Имам Һүсејнин (ә) ингилаби һәрәкаты бизә фәдакарлыг вә сәбр дәрси верир. Индики дөврдә мүсәлманларын ән ваҹиб вәзифәси бирликдир ки, сүнниләр, шиәләр, әрәбләр вә фарслар арасында һеч бир фәрг олмасын. Һүсејнчи олмаг садәҹә намаз гылмаг, оруҹ тутмаг вә јас сахламагдан ибарәт дејил, әсас Һүсејни әхлага саһиб олмагдыр. Һәзрәт Пејғәмбәр (сәлләллаһу әлејһи вә алиһ) дә әхлаги дәјәрләри тамамламаг үчүн Аллаһ тәрәфиндән ҝөндәрилмишдир.
Шәһид Гасим Сүлејмани вә Шәһид Әбу Меһди әл-Мүһәндис бүтүн зүлмләрә гаршы бир јердә дајандылар. Бу ики шәхсијјәтин бир бири илә сых әлагәләри вар иди. Шәһид Әбу Меһди әл-Мүһәндис, Шәһид Гасим Сүлејманинин мүшавири иди вә мүсаһибәләрин бириндә белә бујурмушдур: “Мән фәхр едирәм ки, Һаҹ Гасым Сүлејманинин әсҝәријәм!”
Шәһид Сүлејмани вә Әбу Меһди әл-Мүһәндис, Ирагын тәһлүкәсизлијини тәмин етмәк үчүн бирликдә бөјүк сәјләр ҝөстәрдиләр.”
Диггәт: Хәбәрдән Истифадә Етдикдә Мәнбәјә Истинад Лазымдыр!
