Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Гум Шәһәр Шурасынын Шәһәр Хидмәтләри вә Зәвварлар Ишләри Комиссијасынын рәһбәри “Сејјид Мүҹтәба Сүбһани Сабит” Әрбәин јүрүшү заманы АБНА сајтынын Ирагдакы хүсуси мүхбиринә вердији ексклүзив мүсаһибәсиндә белә дејиб: "Әрбәин сәфәри мәнәви вә фәзиләтли бир сәфәрдир вә биз јени һөкумәтин бу платформаны тәмин етмәсинә ҝөрә она миннәтдарыг. Чүнкү өлкәмизин бәзи инсанлары бу илки јүрүшә гатыла билди...
Әрбәин јүрүшүнүн мәгсәди даһа ваҹибдир; Чүнки маһијјәт етибарилә Әрбәин јүрүшү бир ҝүҹүн тәзаһүрүдүр. Һүсејни мәдәнијјәтә, Ашура һәрәкатына инанырыг вә ону јашатаҹағыг; Неҹә ки, һәзрәт Зејнәб (сәламуллаһи әлејһа) мәлун Језидә деди: “Һеч вахт Ашура һәрәкатыны мәһв едә билмәзсән!”.
Бөјүк бир күтләнин Әба Абдуллаһын (ә) һәрәминә доғру һәрәкәт етмәси, һамысынын Һүсејни вә Ашура һәрәкатларыны горудуғуну вә еһтирам етдијини ҝөстәрир. Имам Заман (ә) ҝәләнә гәдәр бу һәрәкәти һәр заман давам етдирәҹәјик...
Сонда гонагпәрвәр Ираг халгына вә Нәҹәф-Кәрбәла маршруту үзрә јашајан сакинләрә, һәмчинин мүхтәлиф шәһәрләрдәки бүтүн зәвварлара үрәкдән хидмәт едәнләрә тәшәккүр едирәм. Өз нөвбәмдә, Ираг халгына вә һөкумәтинә вә бу јүрүшү мүмкүн гәдәр шанлы етмәјә чалышанлара тәшәккүр едирәм.
Диггәт: Хәбәрдән Истифадә Етдикдә Мәнбәјә Истинад Лазымдыр!
