АБНА24 Хәбәр Верир, Кремлин мәтбуат катиби Дмитри Песков "Россија 1" телеканалына вердији мүсаһибәдә дејиб: "Тәәссүф ки, террорчуларын Суријанын шимал-гәрбиндә вә Идлиб бөлҝәсиндә активлији давам едир. Бу тәһлүкәли вә гәбуледилмәздир".
Кремлин мәтбуат катиби бунун Сурија мәсәләсинин сијаси һәллинин ҝедишатына мәнфи тәсир ҝөстәрәҹәјини вурғулајыб.
Дмитри Песков, Русија президенти Владимир Путинин Түркијә президенти Рәҹәб Тајјиб Әрдоғанла Суријанын шимал-гәрби вә Идлиб бөлҝәсиндәки вәзијјәти мүзакирә етмәк үчүн сентјабрын 29-да Сочи шәһәриндә ҝөрүш кечирәҹәјини ачыглајыб.
"Һүмејмим" базасы бу јахынларда "Ән-Нүсрә Ҹәбһәси" террорчуларынын Суријанын Идлиб шәһәриндә ҝәрҝинлијин азалдылмасы зонасы ҝениш һүҹумларындан хәбәр вериб.
Суријанын Идлиб шәһәриндә ҝәрҝинлијин азалдылмасы зонасы Идлиб вилајәти, һәмчинин Һәләб, Һәмаһ вә Лазигијјә вилајәтләринин бәзи һиссәләрини әһатә едир. Бу бөлҝәләрдә Ән-Нүсрә Ҹәбһәси террорчулары вә Түркијәјә бағлы силаһлы үнсүрләр фәалијјәт ҝөстәрирләр.
Түркијә президенти Рәҹәб Тајјиб Әрдоған вә Русија президенти Владимир Путин, Сурија вә Түркијә ордулары арасында ҝәрҝинлијин артмасындан сонра, 2020-ҹи ил мартын 5-дәМосквада Идлиб вилајәтиндә атәшкәслә бағлы разылыг әлдә едибләр.
Суријалы мәнбәләрә ҝөрә, Түркијә ордусу Идлибин бәзи бөлҝәләриндә јерләшәрәк, һәлә дә террорчу груплашмалара дәстәк вермәјә давам едир. Сурија һөкумәти бу гүввәләрин мөвҹудлуғуну ишғал кими гијмәтләндирир вә онларын дәрһал ҝери чәкилмәсинин ваҹиблијини вурғулајыр.
342/
28 sentyabr 2021 - 14:09
Xəbər kodu: 1183970
Кремлин мәтбуат катиби террорчуларын Суријада мөвҹудлуғунун давам етмәсини тәһлүкәли вә гәбул едилмәз адландырыб.
