Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Әрбәин јүрүшүнә гатылан Азәрбајҹан Республикасынын Шиә руһаниләриндән бири мүсаһибә верәркән дејиб: "Имам Һәсән Әскәридән (ә) ҝәлән бир рәвајәтә ҝөрә, мөминин беш әламәти вардыр вә онлардан бири Әрбәин зијарәтидир."
АБНА редаксијасынын Ирагдакы мүхбиринә ексклузив олараг мүсаһибә верән, Масаллы шәһәриндән олан дин алими "Рүфәт Зәкраоғлу" әлавә едиб: “Имам Садиг (әлејһи сәлам) Әрбәин зијарәтиндән данышыр ки, ким Имам Һүсејни (әлејһи сәлам) зијарәт едәрсә, һәр аддым үчүн мин мүкафат јазылаҹаг. Һәзрәт Зејнәб (сәламуллаһи әлејһа) гардашыны зијарәт етмәк үчүн Шамдан Кәрбәлаја ҝәлди; Буна ҝөрә дә, шиәләр сон бир нечә јүз ил әрзиндә Һәзрәт Зејнәбин (сәламуллаһи әлејһа) ады вә хатирәси илә Әба Абдуллаһы (әлејһи сәлам) зијарәт едир вә Аллаһа шүкүр етмәлијик ки, Әба Абдулланын (әлејһи сәлам) зәвварларынын сајы һәр ил артыр.
Руһани Рүфәт Закир оғлу једди ил Нәҹәф Әшрәфдә дини елмләр үзрә тәһсил алыдығыны билдирәрәк, тәһсилини битирдикдән сонра вәтәнинә дөнәҹәјинә вә Әһли-Бејт (әлејһимус сәлам) Мәктәбинә вә ардыҹылларына хидмәт едәҹәјинә үмид етдијини дејиб.
Закир оғлу әлавә етди: "Бу једди ил әрзиндә мән бөјүк вә әзәмәтли Әрбәин мәрасиминдә иштирак етмишәм; Азәрбајҹана сәјаһәт етдијим үчүн ҹәми бир ил Әрбәин јүрүшүндә иштирак едә билмәмишәм. Әлһәмдулиллаһ, сон бир нечә илдир ки ардыҹыл олараг Әрәбин јүрүшүндә иштирак едир, Имам Һүсејни (әлејһи сәлам) зијарәтинә ҝедир вә зәвварлара хидмәт ҝөстәрирәм. Бу ил илә артыг једдиҹи илдир ки, Әрбәин мәрасиминдә иштирак едирик.
О, мөһтәшәм Әрбәин јүрүшүнүн әһәмијјәти һаггында бунлары сөјләди: "Зәвварлар бу мөһтәшәм мәрасимдән бир чох мәнәвијјат әлдә едилир. Әсасән Имам Һүсејн (әлејһи сәлам) ингилабы илә бизә азадлыг вә һүрријјәт өјрәтди. Имам Һүсејн (әлејһи сәлам) бујурду: "Һејһат миннә зиллә". Һејһат кәлмәси бурада садәҹә "узаг" мәнасында дејил, зилләтин биздән хејли вә чох-чох узаг олмасы мәнасындадыр; Әсасән бизә јахынлаша билмәјәҹәк бир шәкилдә биздән узагдыр. "Һејһат миннә зиллә” Имам Һүсејнин (әлејһи сәлам) хүсуси шүарыдыр вә шиәләрин дилиндә даим тәкрарланыр. АБШ, Инҝилтәрә вә Алманијадан олан гејри-мүсәлманлар белә Имам Һүсејнин (әлејһи сәлам) јолуну вә ингилабыны бәјәнирләр. Дејирләр ки, Имам Һүсејн (әлејһи сәлам) доғру јолу сечди вә Аллаһын әмринә итаәт етди. Онлар дејирләр ки, әҝәр Имам Һүсејн (әлејһи сәлам) кими бир Ағаныз вә Сәрвәриниз варса, вәзијјәтиниз бундан гат -гат јүксәк олмалы иди.”
Нәҹәф Елми Һөвзәсинин тәләбәси вурғулады: “Ашура гијамындан өјрәндијимиз ән әһәмијјәтли дәрс һүрријјәт вә азадлыгдыр. Инсан азад олмалыдыр. Инсан азад дејилсә, һеч нәјә наил олмајаҹаг. Аллаһ бизи азад јаратды, амма азадлыг инсанын истәдијини едиб вә өзбашыналыг етмәк, анархијјаратмаг анламына ҝәлмир. Азад оплмаг, һеч кимә бојун әјмәмәк вә һеч кәсин әли алтына кечмәмәк мәнасындадыр.”
Руһани Рүфәт Закир оғлу Әрбәинин месажларындан биринин дә азадлыг вә һүрријјәтин олдуғуну ифадә едәрәк, әлавә етди: "Инсанлар азад олмалы вә һеч бир зүлм илә барышмамалыдырлар. Имам Һүсејни (әлејһи сәлам) зијарәт едән инсанлар дүшүнмәлидирләр ки, нијә бу јолу ҝедирәм? Зәввар һәр аддымда ағлында хатырламалыдыр ки, Имам Һүсејн (әлејһи сәлам) шиәләрин гајғысына галыб, Језидлә бејәт етмәди. Она ҝөрә дә залымла бејәт етмәмәлијик. Ән азы өз фикиримизлә вә әмәлимизлә зүлмә гаршы чыхмалыјыг.”
"Индики чағда мүсәлманларын ән ваҹиб вәзифәси" нәдир? суалыны ҹавабландырараг бујурду: Бөјүк Ајәтуллаһ Систанидән сорушулдугда ки, бизләр Имам Заманын (Аллаһ Онун шәрәфли зүһуруну тезләшдирсин) зүһуру үчүн нә етмәлијик? Ҹаваб верди: "Вәзифәләриниз вә ваҹиб әмәлләринизи Әһли-бејтин (әлејһиус сәлам) бујурдуғу кими јеринә јетирин вә Әһли-бејтин (әлејһимус сәлам) бујурдуғу кими дә һарамлардан вә гадағалардан чәкинин. Әҝәр Вәзифәләри дүзҝүн јеринә јетирсәк вә гадағалардан чәкинсәк, Имам Заманы (Аллаһ Онун шәрәфли зүһуруну тезләшдирсин) да ҝәләҹәк""
Азәрбајҹандан Әрбәин јрүшүнә гатылан зәвварларынын сајы илә әлагәдар олараг Руһани Рүфәт Закир оғлу деди: "Бу ил корона хәстәлијинин јајылмасы сәбәбиндән Әрбәин зијарәтинә Азәрбајҹандан аз сајда зәввар ҝәлмишдир. Анҹаг проблемләрә бахмајараг, бәзи Азәрбајҹан вәтәндашлары башга јолларла Әрбәин зијарәтиндә иштирак етмәк үчүн ҝәлдиләр. Түркијә вә һәтта Иран васитәси илә Азәрбајҹандан миндән чох инсан Әрбәин јүрүшүндә иштирак едир.”
Азәрбајҹан Республикасы вәтәндашы, бу өлкәнин вәтәндашлары үчүн нәглијјат вә виза вермә проблемләри илә бағлы бунлары деди: "Виза өлкәләрлә әлагәли бир шејдир. Корона хәстәлији сәбәбијлә өлкәләр арасында ҝедиш-ҝәлишин олмадығы дејилир. Аллаһ билир мүмкүндүр башга сијаси мәсәләләр дә ола билсин. Вәзифәмиз ҝәлмәкдир. Бәзиләри Әрбәин мәрасиминә ҝәлмәјә чалышырлар. Һәтта елә адамлар вар ки, 2 ҝүн әрзиндә сәрһәдләрдә дајандырылыб вә бәзиләри ҝери дөнүб. Амма тәәссүфләр олсун ки, бу ил иштирак етмәјәнләрин сајы чохдур.”
Сонда Руһани Рүфәт Закир оғлу гејд едиб: “Рәһмәтлик нәнәмдән ешидәрдим ки, 70-ҹи илләрдә бир гоҹа киши вардыр ки, Кәрбәлаја ҝедиб ҝәлмишдир. Һәр заман Кәрбәла һаггында данышанда ағламаға башлајарды. Өлкәмизин бир чох ағсаггаллары вә ағбирчәкләри Кәрбәла јоллары бағлы лдуғу сәбәбиндән зијарәтҝаһы зијарәт едә билмәдиләр, јоллар ачыландан сонра да бәзиләри мадди имканын олмадығындан Имам Һүсејн (әлејһи сәлам) һәрәмин зијарәтинә ҝедә билмәјибләр вә зијарәт һәсрәти илә дүнјаларын дәјишмишләр. Бизим ки, әлимиздә фүрсәт вардыр, зијарәтә ҝәлмәли, бундан истифадә етмәли вә һәр ил иштирак етмәлијик. Рәвајәтләрдә вардыр ки, Имам бујурур: "Әҝәр имканын варса Имам Һүсејнин (әлејһи сәлам) зијарәтини 4 ајдан артыг тәхирә салма" вә "Һәр ким Имам Һүсејни (әлејһи сәлам) һаггыны таныјараг мәрифәтлә зијарәт етсә, елә бил ки, Аллаһы Әршдә зијарәт етмишдир. Имам Һүсејнин (әлејһи сәлам) зијарәтинин мүкафаты һәддиндән артыг чох јүксәкдир.””
Диггәт: Хәбәрдән Истифадә Етдикдә Мәнбәјә Истинад Лазымдыр!
