Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Азәрбајҹан Республикасы Президентинин көмәкчиси, Президент Администрасијасы хариҹи сијасәт мәсәләләри шөбәсинин мүдири Һикмәт Һаҹыјев Иран Ислам Республикасынын Хариҹи Ишләр Назиринин мүавини Сејид Сәҹҹәдпур илә икитәрәфли вә реҝионал мәсәләләри мүзакирә едиб.
Һикмәт Һаҹыјев ҝөрүшлә бағлы "Тwitter" сәһифәсиндә пајлашым едиб.
Һ.Һаҹыјев билдириб: "Иран Ислам Республикасынын хариҹи ишләр назиринин мүавини Сејид Сәҹҹәдпур илә икитәрәфли вә реҝионал мәсәләләр үзрә мүзакирәләримизи давам етдирмәк хош олду. Өлкәләримиз арасында меһрибан гоншулуг әлагәләрини бир даһа тәсдиг етдик, һәмчинин академик вә тәдгигат үзрә әмәкдашлығын әһәмијјәтини вурғуладыг".
Диггәт: Хәбәрдән Истифадә Етдикдә Мәнбәјә Истинад Лазымдыр!
