Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, SOCAR вә "Qazprom Export" ширкәти Русија газынын нәгли үзрә мүгавилә имзалајыблар.
Мәлумата ҝөрә, ики тәрәф арасында мүгавилә ҹари илин (2021) мартын 16-да имзаланыб. Мүгавиләјә әсасән, сөзүҝедән газ кәмәринин Русија һиссәсиндә апарылаҹаг планлы профилактик тәмир ишләри заманы газ Ермәнистан истеһлакчыларына Азәрбајҹан әразиси илә Ҝүрҹүстан сәрһәдләринә чатдырылмасы нәзрәдә тутулуб.
SOCAR-ын Иҹтимаијјәтлә әлагәләр вә тәдбирләрин тәшкили идарәсинин рәис мүавини Ибраһим Әһмәдов билдириб: " Русија тәрәфи өзүнә мәхсус олан тәбии газын Азәрбајҹан әразисиндән Ҝүрҹүстан әразисинә транзит нәгли илә бағлы Азәрбајҹана мүраҹиәт етмиш, мүвафиг өдәниш мүгабилиндә Русија газынын Азәрбајҹан үзәриндән Ҝүрҹүстана мүвәггәти транзит нәгли илә бағлы разылыг әлдә олунуб".
Ибраһим Әһмәдовун сөзләринә ҝөрә, газын нәглинә 17 март 2021 тарихдә старт верилиб.
Диггәт: Хәбәрдән Истифадә Етдикдә Мәнбәјә Истинад Лазымдыр!
