АБНА24 Хәбәр Верир, бу барәдә мәлумат Иранын Азәрбајҹандакы Сәфирлијинин рәсми "Тwиттер" һесабында јерләшдирилиб.
Билдирилир ки, Сејид Аббас Мусави бөлҝәдәки ҹари дәјишикликләр, хүсусән Азәрбајҹан Республикасы илә Ермәнистан арасындакы сәрһәд бөлҝәләриндәки јени вәзијјәт вә Ҝорус-Гафан јолунда јени нәглијјат шәраити вә диҝәр әлагәли мөвзуларда Азәрбајҹанын баш назиринин мүавини ҹәнаб Шаһин Мустафајев илә мәсләһәтләшди.
Сентјабрын 16-сы сәфир Азәрбајҹан Республикасы президентинин көмәкчиси, Президент Администрасијасы хариҹи сијасәт мәсәләләри шөбәсинин мүдири Һикмәт Һаҹыјевлә дә ҝөрүшүб, сәмими мүзакирәләр апардығыны ачыглајыб.
Хатырладаг ки, өтән ил декабр ајында Ҝөрус-Гафан јолунун Азәрбајҹандан кечән 21 километрлик һиссәиндә нәглијјат васитәләринин сәрбәст шәкилдә истифадә едилмәси вә малларын транзити үчүн разылыг әлдә едилиб.
Бунунла белә сентјабрын 13-ү Азәрбајҹан Дөвләт Ҝөмрүк Комитәси мәлумат јајараг бу өлкә әразисиндән кечән нәглијјат васитәләриндән јол верҝиси вә диҝәр ҝөмрүк өдәнишләринин алынмасы илә әлагәдар билдириб ки, Азәрбајҹан Республикасынын Верҝи Мәҹәлләсинин 210-ҹу маддәсинә әсасән Азәрбајҹан Республикасынын әразисинә дахил олан вә Азәрбајҹан Республикасынын әразисини тәрк едән заман хариҹи дөвләтләрин автонәглијјат васитәләри јол верҝисинин верҝитутма објектидир.
Иран тәрәфи исә һесаб едир ки, Азәрбајҹан дөвләтинин бу гәрары һәм ширкәтләри зијанла үзләшдирир, һәм дә реҝионда сәрбәст тиҹарәтә мане олур. Вә бу олајлар бүтөвлүкдә реҝионал әмәкдашлығын инкишафыны, ејни заманда Азәрбајҹанла Ермәнистан арасында етимад мүһитинин јаранмасыны көлҝә алтында гојур.
342/
19 sentyabr 2021 - 13:25
Xəbər kodu: 1181389
Иран Ислам Республикасынын Бакыдакы сәфири Сејид Аббас Мусави бу ҝүн Азәрбајҹанын баш назиринин мүавини илә мәсләһәтләшмәләр апарыб.
