АБНА24 Хәбәр Верир, Иранын хариҹи ишләр назири Һүсејн Әмир Абдуллаһијан, Таҹикистанын хариҹи ишләр назири Сираҹәддин Меһрәддин илә ҝөрүшдә, Иранын Шанхај Әмәкдашлыг Тәшкилатына үзвлүјүнүн гәбул едилмәсиндә ҝөстәрдикләри көмәјә ҝөрә Таҹикистан һөкумәтинә вә президентинә тәшәккүр едиб вә ики өлкә арасында бүтүн саһәләрдә әмәкдашлығын ҝенишләндирилмәсини дәстәкләјиб.
Әмир Абдуллаһијан, Иранла Таҹикистан арасындакы дини, тарихи, мәдәни вә дил ортаглыгларыны нәзәрә алараг, ики өлкә арасында реҝионал вә бејнәлхалг аренада әмәкдашлығын даһа да инкишаф етдирилмәсинин ваҹиблијини вурғулајыб.
Иранын хариҹи ишләр назири Әфганыстандакы сон вәзијјәтә тохунараг, билдириб ки, бу өлкәдә таҹик, пуштун, һазаралар да дахил бүтүн етникләрин нүмајәндәләринин иштиракы илә там әһатәли бир һөкумәтин гурулмасы, сүлһ вә сабитлијин тәмин едилмәси вә инкишафын јеҝанә јолудур.
Таҹикистанын хариҹи ишләр назири дә Ираны Шанхај Әмәкдашлыг Тәшкилатына үзв гәбул едилмәси мүнасибәтилә тәбрик едиб вә буну Иран вә Таҹикистан арасында әмәкдашлығы ҝенишләндирмәк үчүн јени бир фүрсәт адландырыб.
О, Әфганыстанда баш верән һадисәләрә тохунараг, һазыркы вәзијјәтдә бу өлкәнин халгына һуманитар јардымын ҝөстәрилмәси зәрурәтинә диггәт чәкәрәк, бүтүн етник групларын иштиракы илә әһатәли бир һөкумәтин гурулмасы идејасыны дәстәкләдијини вурғулајыб.
342/
19 sentyabr 2021 - 13:16
Xəbər kodu: 1181378
Иранын хариҹи ишләр назири илә Таҹикистанын хариҹи ишләр назири арасында Дүшәнбә шәһәриндә ҝөрүш кечирилиб.
