АБНА24 Хәбәр Верир, Путин Шанхај Әмәкдашлыг Тәшкилатынын топлантысында чыхышы заманы дејиб.“Вәдләринә әмәл етсин дејә Талибан һәрәкатыны һәвәсләндирмәк лазымдыр.”
Саммитә видеоконфранс јолу илә гатылан Русија президенти сонра Әфганыстанда һакимијјәт дәјишиклијинин демәк олар ки, ган төкүлмәдән баш вердијини етираф едәрәк бунун мүсбәт һал олдуғуну вурғулајыб.
Онун сөзләринә ҝөрә, Талибан инди Әфганыстанын демәк олар ки, бүтүн әразисинә нәзарәт едир вә инди јени Әфганыстан һакимијјәти сүлһүн, иҹтимаи һәјатын нормаллашдырылмасы вә һамы үчүн тәһлүкәсизлик вәдләрини јеринә јетирмәјә тәшвиг едилмәлидир.
Путин, ејни заманда "Шанхај Әмәкдашлыг Тәшкилаты" вә Әфганыстан арасында ортаг ишчи групунун јаранмасыны тәклиф едиб.
Русија Президенти, террор тәһлүкәләри илә, наркотик маддәләрин истеһсалы вә радикал мәзһәбчиликлә мүбаризә апармаг үчүн мүмкүн аддымлары атмаг мәсәләсиндә, һабелә әфганлар арасында һәртәрәфли сүлһ просесинин башланмасына дәстәк үчүн илк нөвбәдә "Шанхај Әмәкдашлыг Тәшкилаты"нын имканларындан фајдаланмағын лазым олдуғуну вурғулајыб.
342/
18 sentyabr 2021 - 12:29
Xəbər kodu: 1180992
Русија президенти Владимир Путин бәјан едиб ки, Талыбан һәрәкатыны һәвәсләндирмәк вә тәшвиг етмәк лазымдыр.
