АБНА24 Хәбәр Верир, Лондонун "ЕкҸел" Сәрҝи Мәркәзи ҸОВИД-19 вирусунун јајылмасы сәбәбиндән бир ил фасиләдән сонра ән сон силаһлары тәклиф етмәк үчүн елә бир һалда јенидән ачылыб ки, бир чох сүлһ фәаллары вә мүһарибә әлејһдарларыны, онун кечирилмәсинә етираз етмәк үчүн Лондонун шәргинә чәкибдир.
Британијада силаһ сәрҝисинин кечирилмәсинә етираз едән һүгуг мүдафиәчиләриндән бири сәрҝинин гаршысында дејиб: "Мүһарибәләр бу ҹүр сәрҝиләрдән башланыр. Әслиндә демәк олар ки, мүһарибә мүгавиләләри бу мәканларда бағланылыр вә бу ҹүр милитарист фәалијјәтләр олдуғу мүддәтҹә дүнја сүлһ вә раһатлыг үзү ҝөрмәјәҹәк".
Мүһарибә әлејһдарларындан бири дә дејиб: "Мән бу аксијаја өзүмлә Фәләстин бајрағыны ҝәтирмишәм, чүнки Инҝилтәрә Исраил режиминә бомба вә ракет сатыр вә бу режим онларла Фәләстин халгыны ганына гәлтан едир".
Инҝилтәрәдәки мәлуматлара әсасән, бу өлкәдә тәхминән 200 мин инсан Инҝилтәрәнин силаһ сәнајесиндә бирбаша вә ја долајысы илә мәшғулдурлар. Мәшғуллуг вә хүсусән дә бу сәнајенин бол ҝәлирләри, һөкумәтин она там дәстәк вермәсинә сәбәб олуб.
Мүшаһидә гурумларынын мәлуматына ҝөрә, дүнјада бомба вә силаһ ихраҹатынын 63 фаизи АБШ вә Инҝилтәрәнин пајына дүшүр вә бу силаһларын чоху Гәрби Асија өлкәләринә, хүсусән дә Сәудијјә Әрәбистанына сатылыр.
342/
16 sentyabr 2021 - 07:53
Xəbər kodu: 1180351
Бу сәрҝи ҹидди тәһлүкәсизлик тәдбирләри алтында вә дүнјанын 830 силаһгајырма ширкәтинин иштиракы илә Лондонда кечирилир.
