АБНА24 Хәбәр Верир, бу јај Авропа сәрһәдләринин ачыг олмасы вә Италјада бүтүн туристик вә ҹазибәдар мәканларын ачылмасына бахмајараг, Авропа илә дүнјанын диҝәр бөлҝәләри арасында туризм әлагәләринин кәсилмәси сәбәбиндән бу өлкәнин туризм сектору һәлә дә проблемлә үз-үзәдир.
Мәлумата ҝөрә, Италијанын сәјаһәт вә туризм аҝентликләринин јүзләрлә нүмајәндәси Романын мәркәзи мејданларындан бириндә топлашараг, туризм секторунда коронавирусла әлагәдар мәһдудијјәтләрин давам етмәсинә етираз едибләр.
Италија һөкумәти пандемијанын әввәлиндән Авропа Бирлијинин хариҹиндә олан өлкәләрә туризм пакетләринин сатышына иҹазә вермәди вә авропалы олмајан туристләрин Италијаја ҝириши үчүн бир чох мәһдудијјәтләр тәтбиг олунур.
Италјанын туризм сектору фәалларынын дедијинә ҝөрә, һәлә дә өлкәнин туризм сәнајесиндә коронавирусун ағыр көлҝәси ајдын шәкилдә ҝөрүнүр вә ону вирусун јајылмасынын ән чох зијан чәкмиш секторлардан биринә чевириб.
Италија һөкумәтинин дәстәк пакетләри диҝәр Авропа өлкәләринә, хүсусән Алманија вә Франсаја нисбәтән чох аз олубдур.
Италијанын туризм сектору, Коронвирус бөһранындан әввәл өлкәнин үмуми дахили мәһсулунун тәхминән 13 фаизини тәшкил едирди.
342/
10 sentyabr 2021 - 17:12
Xəbər kodu: 1178652
Италијанын туризм сектору, өлкәдә бүтүн туристик вә ҹазибәдар мәканларын ачылмасына бахмајараг, коронавирусун јајылмасы нәтиҹәсиндә ҹидди шәкилдә зијан ҝөрүб.
