Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Ислам Дүнјанын Али Тәглид МӘрҹәләриндән бири олан Ајәтуллаһ Сејјид Мәһәммәд Сәид Һәкимин вәфатындан сонра Ајәтуллаһ "Рза Рамазани" бу дүзәлмәз итки мүнасибәти илә башсағлығы месажы ҝөндәриб.
Үмүмдүнја Әһли-Бејт Ассамблејасынын (әлејһимус сәлам) Баш Катибинин башсағлығы месажынын там мәтни беләдир:
Меһрибан вә Бағышлајан Аллаһын Ады илә
Бөјүк фәгиһ Һәзрәт Ајәтуллаһ Һаҹ Сејјид Мәһәммәд Сәид Һакимин вәфаты чох тәәссүрат вә тәәссүф доғурду.
Ҹиһад вә Шәһадәт Евиндән чыхан шанлы алим бүтүн шәрәфли өмрүнү елм өјрәнмәклә, сонра әһкам вә дини гајдалары тәблиғ етмәклә, һәмчинин Гуран вә Итрәт маарифини инсанлара јајмагла кечирди.
Бәәс режиминин һәбсдә олдуғу чәтин илләрә дөзмәк, дини вә хидмәт мәркәзләри гурмаг, алим вә мүбәллиғләр јетишдирмәк, чохсајлы китаблар јазмаг вә бу ихласлы алимин Әрбәин вахты Имам Һүсејнин милјонларла зәвварынын рифаһы наминә сәј ҝөстәрмәси дәјәрли салеһ әмәлләр олараг, мүгәддәс руһу үчүн јахшы азугә олаҹагдыр.
Һәзрәти Бәгијатуллаһ әл-Әзәмин (ҹанымызын Она фәда олсун) һүзуруна вә Ислам Ингилабынын Али Рәһбәри, Ајәтуллаһ Систанини башда олмагла Али Тәглид Мәрҹәләринә, Нәҹәф вә Гум Елми Органларына, Ираг халгына вә о һәзрәтә тәглид едәнләрә, дини тәләбәләрә вә о һәзрәтә әлагәли олан һәр бир кәсә, һәмчинин мүдрик һәкимләр аиләсинә, хүсусән дә гардашларына вә һөрмәтли задәҝанлара башсағлығы верирәм.
Уҹа Аллаһын һүзурунда мәрһум үчүн али дәрәҹәләр, илаһи өвлијаларла мәһшур олмаг вә пак әҹдадлары илә (әлјһимус сәлам) ҹәннәтдә бир арада олмаг вә бүтүн јахынлары вә сағ галанлар үчүн сәбир вә әмин-аманлыг диләјирәм.
Биз Аллаһа мәхсусуг вә Она гајыдырыг
Рза Рамазани
Үмүмдүнја Әһли-Бејт (ә) Ассамблејасынын Баш катиби
13 Шәһривәр 1400
26 Муһәррәм 1443
04 Сентијабр 2021
........................
Хәбәрин сону / 101
Диггәт: Хәбәрдән Истифадә Етдикдә Мәнбәјә Истинад Лазымдыр!
