АБНА24 Хәбәр Верир, Азәрбајҹан иҹтимаијјәтинә мүраҹиәтиндә ГМИ-нин сәдри ҹәмијјәтдә руһанијјәтин үзәринә дүшән вәзифәни хатырладараг билдириб: Ҹәмијјәтин тәркиб һиссәси олан дин хадимләринин вәзифәси Уҹа Аллаһын мүгәддәс Китабымыз Гурани-Кәримдә бујурдуғу һәгигәтләри, динимиз Исламын дәјәрләрини даһа исрарлы маарифләндирмә иши васитәсилә ҹәмијјәтимиз үчүн камил инсан тәрбијәси просесинә өз төһфәләрини вермәкдир.
Наркотик маддәләр вә онлара алудәчилијин инсаны Аллаһы дәрк етмәкдән узаглашдырмагла бөјүк мәһведиҹи фәсадларына ҝәтириб чыхардығыны билдирән Аллаһшүкүр Пашазадә бәјанатында сонра белә әлавә едиб: Сағламлыг, игтисади, сијаси, иҹтимаи вә әхлаги зәминдә чох бөјүк дағыдыҹы, мәһведиҹи тәсирләрә маликдир, инсанын тәфәккүр, дүшүнҹә, истедад, идрак, гүдрәт, чалышмаг вә гуруҹулуг сәјләрини әлләриндән алыр, иман вә әгидәсини зәдәләјир, Уҹа Аллаһы дәрк етмәкдән узаглашдырыр, аиләләрин әсасыны дағыдараг мәһв едир. Мәстедиҹи маддәләр фәрдин вә ҹәмијјәтин руһу вә ҹисминә тәсир едән фәсадлы нәтиҹәләри бахымындан, бүтүн писликләрин мәнбәји олдуғуна ҝөрә Исламда һарам бујурулмушдур.
ГМИ сәдри дин хадимләринә мүтәмади чыхыш үчүн һәр ҹүр шәраитин јарадылмасына чағырараг дејиб: Дини мәркәз олараг дин хадимләримизи аидијјаты олан дөвләт гурумлары вә иҹтимаијјәтин мүхтәлиф тәбәгәләри илә бәрабәр бу иҹтимаи бәла илә мүбаризәдә даһа артыг сәфәрбәр олмаға, мәсҹидләрдә охунан, һабелә онлајн моизә вә хүтбәләрдә инсанлары бу сосиал фәлакәт барәдә әтрафлы мәлуматландырмаға, онун фәсад вә аҹы нәтиҹәләрини ҝениш шәрһ етмәјә, дини маарифләндирмә мүстәвисиндә ҝүнаһ вә һарам олдуғу мәтләбини даһа дәриндән тәлгин етмәјә чағырырыг. Бу ишин даһа мигјаслы апарылмасы үчүн дин хадимләримизә күтләви информасија васитәләриндә мүтәмади чыхыш етмәк имканларынын јарадылмасыны ваҹиб сајыр, бунунла бағлы мүвафиг гурумлары бу шәраитин тәмининә чағырырыг.
Шејхүл-ислам Аллаһшүкүр Пашазадә истәнилән нәтиҹәнин әлдә олунмасы үчүн ҹәмијјәтин сағламлығы уғрунда апарылан дөвләт фәалијјәтләри илә параллел олараг дини фәалијјәтләрин әһәмијјәтинә ишарә едәрәк билдириб: Бу дурумда биз дин хадимләринин вәзифәси бу истигамәтдә дөвләт програмларына дәстәк олмаг, һөкумәтимизин сәјләринә јардым едәрәк даһа артыг маарифләндирмә вә бүтүн мүмкүн васитәләрлә сабаһкы ҝүндә өвладларымызын ҝәләҹәјинә етибарла баха биләҹәјимиз бир мүһитин јарадылмасы үчүн чалышмагдыр.
Бәјанатда торпагларын азад едилмәси вә зәфәрин газанылмасында, бундан сонра зәфәрләрдә диндар вә тәгвалы ҝәнҹлијин әсас ролуна диггәт чәкилир: “Зәрәрли вәрдишләрә гаршы мүбаризәдә актив олмаг, 44 ҝүнлүк Вәтән мүһарибәсиндә халгымыза мүбарәк Зәфәр јашатмыш гәһрәман оғулларымызын руһуна садиг вә лајиг ҝәнҹлијин јетишдирилмәси дөвләт, милләт олараг бундан сонракы гәләбәләримиз үчүн Вәтәнә, милләтә хејирли олан, дөвләтчилијимизә садиг, мәтин, ирадәли, руһән камил, иманлы, тәгвалы, әмәлисалеһ, вәтәнпәрвәр, милли-мәнәви дәјәрләринә еһтирам бәсләјән нәслин јетишмәсинә јардым етмәк һәм Аллаһ, һәм дә дөвләтимиз гаршысында һамымызын мәнәви борҹудур!”-дејә ГМИ сәдринин бәјанатында билдирилиб.
342/
3 sentyabr 2021 - 12:26
Xəbər kodu: 1176258
Гафгаз Мүсәлманлары Идарәсинин (ГМИ) сәдри Шејхүлислам Аллаһшүкүр Пашазадә ҹәмијјәтдә нактоманија вә мәстедиҹи маддәләрин јајылмасына гаршы дини секторун фәалијјәтинин бөјүк әһәмијјәтини вурғулајыб.
