АБНА24 Хәбәр Верир, Американын ијирмииллик уғурсуз һәрби иштиракындан сонра ишғалчылар вә тәҹавүзкарларын бу өлкәни тәрк етмәләри халг үчүн ән бөјүк гәләбәдир. Совет Иттифагынын бундан габаг бу аҹы тәҹрүбәдән дәрс алдығы кими, Вашингтон да Әфганыстан халгындан бөјүк бир дәрс алды- Әфганыстан Ислам Һәрәкатынын бәјанатында белә дејилир.
Б-52, Ф-16 вә Ф-35 гырыҹылары, идарә олунан вә лазер ракетләри, мүасир топ вә танклар кими модерн технолоҝијаја сөјкәнән Америка, терроризмлә мүбаризә бәһанәси илә Әфганыстаны ишғал етди- дејә, бәјанатда вурғуланыр.
Әфганыстан Ислам Һәрәкаты гејд едиб ки, Ијирми ил Әфганыстанда иштиракдан, јүз минләрлә инсанын өлдүрүлмәсиндән вә ики трилјон доллардан чох хәрҹин чәкилмәсиндән сонра, Америка һеч бир наилијјәт әлдә етмәдән мәғлубијјәти гәбул етди вә ҹари ил августун 31-дә сонунҹу сәнҝәр кими, Кабул һава лиманы да дахил олмагла Әфганыстаны рүсвајчылыгла тәрк етди.
Әфганыстан Ислам Һәрәкаты Әфганыстанын ишғалдан азад олдуғу һазыркы шәраитдә бу өлкә халгыны, даһа әҹнәбинин иштиракы вә мүдахиләсинә вә ја фөвгәлҝүҹ, јахуд да диҝәр бир ҝүҹүн Әфганыстанда иштирак вә ја бу өлкәјә мүдахилә фикринә дүшмәсинә иҹазә вермәмәјә чағырыб.
Американын Әфганыстандан биабырчы шәкилдә чыхмасы сүбут етди ки, әҹнәбијә пәрәстишин гаранлыг вә мәһв олмагдан башга һеч бир нәтиҹәси јохдур.
342/
3 sentyabr 2021 - 12:20
Xəbər kodu: 1176251
Әфганыстан Ислам Һәрәкаты, Бирләшмиш Штатларын Әфганыстандакы биабырчы мәғлубијјәти вә бу өлкәдән рүсвајчы ҝедишини Американын һеҝемонлуғу вә бејнәлхалг нүфузунун ифласа уғрамасынын әламәти адландырыб.
