АБНА24 Хәбәр Верир, Талибан групунун сөзчүсү Забиуллаһ Мүҹаһид дејиб: “Достлуғумузу давам етдирмәк үчүн бир нечә сәбәб вар. Түрк вә әфган халглары дәрин әлагәләрә саһибдир. Кабил һава лиманынын тәһлүкәсизлији илә бағлы Түркијәјә зәманәт вердик. Аеропорту тамамән әлә алдыгдан сонра еһтијаҹлар сијаһысы чыхарылаҹаг. Лазым ҝәләрсә, бу еһтијаҹлары Түркијә, јахуд башга бир өлкәдән истәјәҹәјик”.
Талибан нүмајәндәси әлавә едиб ки, Әфганыстан Түркијә илә игтисади әлагәләр дә гурмаг нијјәтиндәдир.
Бу арада Түркијәдә коалисион һөкумәтиндә иштирак едән вә игтидарын мүттәфиги сајылан Милләтчи Һәрәкат Партијасынын (МҺП) лидери Дөвләт Бахчалы Әфганыстанла бағлы сенсасион ачыглама вериб. Дөвләт Бағчалы дејиб ки, Анадолунун мүдафиәси Анадолуда тәмин едилмәз. Бу хәттин стратежи нөгтәләриндән бири Кабилә гәдәр узаныр. Кабил мүһафизә едилмирсә, Анкарада да тәһлүкәсизлик олмаз”, - дејә партија лидери билдириб.
МҺП башганынын бу сөзләри Түркијә сијасәтчиләри тәрәфиндән бирмәналы гаршыланмыр, бәзи сијасәтчиләр хәбәрдарлыг едирләр ки, Әрдоған һөкумәти сырф игтисади газанҹы ҝүдмәклә һәлә гејри-мүәјјәнликдән әзијјәт чәкән Әфганыстанда олдугҹа рискли бир ојуна гатылыр вә һаким партија Әфганыстан планындан газанҹлы чыхмазса, игтидар 2023-ҹү ил сечкиләрини удуза биләр.
Бунунла белә, өлкәнин ХИН башчысы Мөвлуд Чавушоғлу, пајтахт Анкарада журналистләрин Әфганыстандакы вәзијјәтлә бағлы үнванладыглары суаллары ҹавабландыраркән дејиб ки, Кабилә һәлә нәзарәт әлә кечирилмәздән әввәл Талибанын сијаси ганадынын нүмајәндәси Түркијәјә дәвәт едилди. Талибан илә фәргли каналлар васитәси үнсијјәт јарадылыб.
Чавушоғлу, Әфганыстанда һөкумәти формалашдырма сәјләри вә јарадылаҹаг һөкумәтин танынмасы илә бағлы олараг да гејд едиб ки, әввәлҹә һөкумәтин неҹә гурулаҹағыны ҝөрмәлијик. Даһа сонра гурулан һөкумәтин танынмасы мөвзусунда бејнәлхалг ҹәмијјәтлә бирликдә аддым атмалыјыг.
Ливанлы мүтәхәссис, Бејрут Университетинин профессору Ҹамал Ваким исә рәсми Анкаранын Әфганыстанда фәаллашмасы илә бағлы мараглы фикир ирәли сүрүб. О дејиб ки, Түркијә лидери Әрдоғанын Анкаранын Орта Асијадакы тәсирини ҝүҹләндирмәк үчүн вәзијјәтдән истифадә етмәјә чалышаҹағы ачыгдыр.
342/
31 avqust 2021 - 16:11
Xəbər kodu: 1175300
Әфганыстанда јени һөкумәт гормаға һазырлашан Талибанын нүмајәндәси Түркијәни дост дөвләт адландыры.
