АБНА24 Хәбәр Верир, Русијанын Вашингтондакы сәфири Анатоли Антонов АБШ -ын бу өлкәјә гаршы тәтбиг етдији јени санксијалара реаксијада дејиб: " Бирләшмиш Штатлар Русија Федерасијасы илә мүнасибәтләри даһа да "сарсытмаг" курсуну кор-коранә изләмәјә давам едир вә бунун нәтиҹәләри барәдә дүшүнмүр".
АБШ-ын Малијјә Назирлији ҹүмә ҝүнү бир бәјанат јајараг, Русија һөкумәтини мүхалифәтчи Алексеј Навалныны зәһәрләмәјә чалышмагда иттиһам едәрәк, доггуз шәхс вә ики рус ширкәтинин адыны санксијалар сијаһысына дахил едиб.
Вашингтон, санксија тәтбиг едилән шәхсләрин вә ширкәтләрин Навланынын зәһәрләнмәсиндә вә ја "Русијанын кимјәви силаһ програмы"нда иштирак етдијини иддиа едир.
Алексеј Навалны јанварын 17-дә Алманијадан Русијаја гајыдаркән һәбс едилиб.
Навалнынын һәбс едилмәси Гәрбин анти-Русија кампанијасынын ҝенишләнмәси үчүн јени бир аренаја чеврилиб.
АБШ вә авропалы мүттәфигләри, Москванын русијалы мүхалифәт лидери Алексеј Навалныны "Новичок" газы илә зәһәрләдијини иддиа едирләр. Һансы ки, Русија ону гәти шәкилдә рәдд едир.
Бу јахынларда Москва мәһкәмәси Навалнынын иттиһамларыны арашдырдыгдан сонра ону шәрти ҹәза гајдаларыны поздуғу үчүн вә тәһлүкәсизлик иттиһамлары сәбәбиндән үч ил јарым азадлыгдан мәһрум едиб.
342/
21 avqust 2021 - 16:08
Xəbər kodu: 1171820
Русијанын Вашингтондакы сәфири АБШ-ын јени санксијаларына реаксија вериб.
