АБНА24 Хәбәр Верир, Азәрбајҹан мәнбәләринин билдирдијинә ҝөрә, Ермәнистанын үчүнҹү президентини Серж Саркисјан Хоҹавәнд рајонунун Сос кәндиндә јерләшән Амарас монастрына баш чәкиб.
Сијаси чеврәләрдә дејилир ки, сабиг ермәни рәсми бу аддымы илә Азәрбајҹан Республикасынын хәбәрдарлыгларына мәһәл гојмадығыны нүмајиш етдириб.
Хатырладаг ки, јанварын 7-дә президент Илһам Әлијев Ермәнистанын о вахткы хариҹи ишләр назири Ара Ајвазијанын Ханкәндинә сәфәринә реаксија ҝөстәриб билдирмишди ки, бу аддымлар давам едәрсә, Азәрбајҹанын ҹавабы чох сәрт олаҹагдыр.
Азәрбајҹанын дөвләт башчысы демишди: “Һеч бир хариҹи вәтәндаш бизим иҹазәмиз олмадан о әразијә ҝедә билмәз. Һеч бир бејнәлхалг тәшкилат, – анҹаг Гырмызы Хач истисна олмагла, – ораја ҝедә билмәз. Бу, бизим әразимиздир. Бүтүн дүнја бу әразини Азәрбајҹанын ајрылмаз һиссәси кими таныјыр. Ермәнистанын хариҹи ишләр назири, сән кимсән ки, ораја ҝедирсән? Хәбәрдарлыг едирик. Әҝәр буна охшар аддым тәкрарланарса, бизим ҹавабымыз чох сәрт олаҹаг. Онларын ајағы орадан кәсилмәлидир. Отурсун өз өлкәсиндә”.
Бунун ардынҹа Азәрбајҹан ХИН нөвбәти бәјанат јајыб вә рәсми Ирәваны ағлыны башына јығмаға чағырмышды.
342/
14 avqust 2021 - 16:18
Xəbər kodu: 1169605
Ермәнистанын сабиг президенти Серж Саркисјан Бакыдан иҹазәсиз русијалы сүлһмәрамлыларын нәзарәт етдији Лачын коридорунадан кечәрәк Гарабаға сәфәрини реаллашдырыб.
