АБНА24 Хәбәр Верир, Августун 5-дә Милли Мәҹлисин сәдри Саһибә Гафарова Иран Ислам Республикасынын јени сечилмиш президенти Сејид Ибраһим Рәисинин андичмә мәрасиминдә иштирак етмәк үчүн гоншу өлкәјә сәфәр етди. Белә өнәмли сәфәрдән сонра Азәрбајҹанла Иран арасында әлагәләрә көлҝә сахламаға чалышан бәзи даирәләр ортаја атылараг хошаҝәлмәз мүзакирәләр ачдылар. Мәсәләнин маһијјәтинә варынҹа, ирәли сүрүлән иддиаларын ҹәфәнҝијјат олдуғу вә тәхрибат мәгсәди дашыдығы ајдын шәкилдә ҝөрүнүр.Хүсусилә, ханым спикерин Иранын јени сечилмиш президенти Ибраһим Рәиси илә ҝөрүшү заманы Азәрбајҹан бајрағынын асылмамасыны әлиндә бајраг едәнләр, ҝөрүнүр, Иран дөвләтинин протокол гајдаларындан хәбәрсиздир, ја да биләрәкдән өлкәләр арасында дипломатик ҝәрҝинлик јаратмаға чалышырлар.
Инаугурасија мәрасиминдә лентә алынан видеоҝөрүнтүләри диггәтлә изләдикдә мәлум олур ки, тәдбир әрәфәсиндә кечирилән ҝөрүшләр заманы јалныз Иран дөвләтинин бајрағы асылыр. Тәкҹә Саһибә Гафарованын кечирдији ҝөрүшдә дејил, диҝәрләриндә дә буну ҝөрмәк олар.Еләҹә дә гоншу өлкәдә сәфәрдә оларкән ханым гонагларын ҝејим формасы мәһз Иран тәрәфинин протокол гајдаларына ујғун олараг мүәјјән едилир. Бу, артыг илләрдир ки, әнәнә һалыны алыб. Һәтта христиан өлкәләриндән Ирана ҝәлән ханым рәсмиләри белә Иранын дахили гајдаларына хас формада ҝејимә үстүнлүк верирләр.
Јени Сабаһ өз мәгаләсинин давамында јазыр: Бәс о заман бу ҹүр јерлиз мүзакирәләр кимә лазымдыр? Јахуд спикерин Ирана өнәмли сәфәри һансы даирәләри нараһат едир?
Милләт вәкили Асим Моллазадә билдириб ки, спикер Саһибә Гафарова сәфәр заманы протокол гајдаларына ујғун давраныб вә сәфәрлә бағлы гәрәзли, сәвијјәсиз вә тәнгиди сөзләрин һеч бир әсасы јохдур.
Депутат Арзу Нағыјев исә һесаб едир ки, белә мәсәләләрин габардылмасы һеч бир мәнтигә сығмыр. Вә спикер Саһибә Гафарованын Иран сәфәри илә бағлы верилән ачыгламалар Милли Мәҹлисин үзвләрини нүфуздан салмаг характери дашыјыр. Бунлар Саһибә Гафарованын протокола ујғун ҝејим гајдаларын нәдән ибарәт олдуғуну билмәјән инсанларын мүлаһизәләридир. Гәрәзли шәкилдә мәлуматлар јајмагла мәшғул олан бир груп мөвҹуддур.
Вә нәһајәт Милли Мәҹлис үзвү Ајдын Мирзәзадәнин сөзләринә ҝөрә, спикер Саһибә Гафарованын Ирана сәфәрини уғурлу адландырмаг олар: “Һәр бир өлкәнин хүсуси протокол гајдалары олур. Һәмин өлкәјә сәфәр едән һәр бир гонаг һәмин протокола ујғун аддым атмалыдыр. Иран тәрәфиндә хүсусилә ҝејимләрә фикир верирләр. Саһибә Гафарованын һәмин ҝејими Иран Ислам Республикасынын дахили гајдаларына олан һөрмәтдән ирәли ҝәлир”- дејә азәрбајҹанлы милләт вәкили билдириб.
342/
10 avqust 2021 - 21:42
Xəbər kodu: 1168504
Азәрбајҹан Республикасында мәтбу органы Иран Ислам Республикасы илә Азәрбајҹан арасында дипломатик бөһран јаратмаг истәјәнләри гынады.
