АБНА24 Хәбәр Верир, Александр Лукашенко журналистләрлә ҝөрүшдә белә дејиб: Биз коалисја барәдә данышаркән ајдын шәкилдә дәрк етмәлијик ки, бу, суверенлији вә истиглалијјәти итирмәдән коалисија јаратмаг демәкдир.
«Әрази бүтөвлүјү вә игтисадијјатын инкишафындан сөһбәт ҝедәркән бәзи структурларда бирләшмәјә вә һәр һансы бир органы әлә алмаға еһтијаҹ јохдур. Һәр һансы дөвләтләрарасы бирлик, игтисади мәсәләләр дә дахил олмагла бәрабәрлик әсасында олмалыдыр»- дејә Лукашенко билдириб.
Русија президенти Владимир Путин бундан әввәл Лукашенконун Гәрбин тәһдиди вә Беларусун дахили ишләринә гарышмасы барәдәки сөзләринә ҹавабда демишди ки, ики өлкә арасындакы әһатәли һәрби мүгавиләјә әсасән, Москва лазым ҝәлән вә хариҹи тәзјигин артаҹағы тәгдирдә, бу өлкәјә һәрби гүввә ҝөндәрмәјә һазырдыр.
Сон илләр НАТО өлкәләри Беларусла гоншу өлкәләрин инфраструктурлары вә һәрби тәҹһизатларынын тәҹһиз едилмәси вә модернләшдирилмәсинә хүсуси диггәт јетирирләр. Ејни заманда, онлар даһа артыг гүввәләр јерләшдирмәк мәгсәдилә һәрби мәркәзләри ҝенишләндирмәјә сәј ҝөстәрирләр.
342/
10 avqust 2021 - 21:37
Xəbər kodu: 1168500
Беларус президенти бу өлкәнин суверенлији вә истиглалијјәтинин горунмасы илә јанашы, Русија илә коалисијанын јарадылмасыны истәјиб.
