АБНА24 Хәбәр Верир, Сејид Ибраһим Рәиси Гуран-Кәрим гаршысында анд ичәрәк бу ҝүндән конститусијада нәзәрдә тутулмуш сәлаһијјәтләринин иҹрасына башлајыб.
О андичмә заманы дејиб: “Анд ичирәм ки, өлкәнин рәсми мәзһәбинин, Ислам Ҹүмһуријјәтинин вә онун конститусијасынын горујуҹусу олаҹағам. Өлкә сәрһәдләринин, онун сијаси, игтисади вә мәдәни истиглалијјәтинин горунмасы үчүн һеч нәји әсирҝәмәјәҹәјәм."
Иран Ислам Республикасынын президенти сонра милләт вәкилләри вә хариҹи гонагларын гаршысында чыхыш едәрәк өз приоритетләрини шәрһ едиб. "Биз дүнјада мәзлумларын јанында олаҹаг, Фәләстиндә, Суријада, Јәмәндә, еләҹә дә Авропа, Африка вә Америкада мәзлумларын сәси олаҹағыг."
Рәиси хариҹи сијасәтинин приоритетләринин бир гисмини белә ачыглајыб: "Дүнја өлкәләри илә гаршылыглы һөрмәт-еһтирам әсасында әмәкдашлыг едәҹәк, инсан һүгугларыны мүдафиә едәҹәјәм. Иран халгы јени һөкумәтдән инсан һүгугларынын горунмасыны вә дүнјанын һәр јериндә зүлмдән узаг дурмағы тәләб едир. Биз коррупсија вә рүшфәтхорлугла мүбаризә апаран һөкумәт тәшкил едәҹәјик. Биз дүнјада еләҹә дә Фәләстиндә, Суријада, Јәмәндә мәзлумларын јанында олаҹаг, Авропа, Африка вә Америкада мәзлумларын сәси олаҹағыг. Иран халгына гаршы санксијалар ләғв едилмәлидир. Бу истигамәтдә һәр бир дипломатик тәклифи алгышлајырыг."
Ҹәнаб Рәиси сөһбәтинин сонунда Иранын реҝионун бүтүн өлкәләринә, хүсусилә гоншу өлкәләрә достлуг вә гардашлыг әлини узатдығыны вурғулајыб.
И.Рәисинин сөзләринә ҝөрә, Иранын хариҹи сијасәтинин ән өнәмли вә әсас приоритети гоншу өлкәләрлә мүнасибәтләри јүксәлтмәкдир.
Иран президенти дејиб ки, Иран гоншу өлкәләри вә халглары өз јахынлары һесаб едир: "Дүнја дәјишмәкдәдир. Халгларын мәнафејини тәмин етмәк јени дүнјаны дәрк етмәк вә стратежи әмәкдашлығы тәләб едир. Уғурлу хариҹи сијасәт баланслы хариҹи сијасәт олаҹаг".
342/
5 avqust 2021 - 20:26
Xəbər kodu: 1166928
Иран Парламенти - Ислам Шурасы Мәҹлисиндә 13-ҹү һөкумәтин башчысынын андичмә мәрасими кечирилиб.
