АБНА24 Хәбәр Верир, Азәрбајҹан Республикасы Исраил адланан ишғал олунмуш Фәләстиндә илк дәфә рәсми нүмајәндәлик ачыб. Өзү дә бир јох, бирдән бирә ики нүмајәндәлик – тиҹарәт вә туризм нүмајәндәликләри.
Тел-Әвивдә јерләшән нүмајәндәликләрин ачылыш мәрасиминдә чыхыш едән Азәрбајҹан Республикасынын игтисадијјат назири Микајыл Ҹаббаров Азәрбајҹанын Исраилдә тиҹарәт вә туризм нүмајәндәликләринин икитәрәфли тиҹарәт-игтисади әлагәләрин инкишафында әһәмијјәтли олаҹағына әминлијини ифадә едиб.
"Тһе Жерусалем Пост" гәзетинин сијаси шәрһчиси Арје Гут исә бу һадисә илә бағлы дејиб ки, чох јахын ҝәләҹәкдә Азәрбајҹан бајрағынын Тел-Әвивдә јерләшәҹәк бу өлкәнин сәфирлијинин гаршысында далғаланаҹағына инаныр.
Арје Гут Микајыл Ҹаббаровун ишғал олунмуш Фәләстинә сәфәри заманы сионист ширкәтләрини Гарабағда јенидәнгурма ишләриндә иштирака дәвәт етдијини хатырладыб вә дејиб: Исраил ширкәтләри бу дәвәти гәбул едәҹәк вә Гарабағда бәрпа ишләринә өз төһфәләрини верәҹәкләр.
Хатырладаг ки, Азәрбајҹана аид тиҹарәт вә туризм нүмајәндәликләринин ачылмасы Пеҝасус ҹасус програмы васитәсилә Азәрбајҹан вәтәндашларынын шәхси һәјатларына мүдахиләјә ҝөрә республикада Исраилә гаршы кәскин етиразларын мүшаһидә олундуғу бир вахтда реаллашыб. Сосиал шәбәкәләрдә ҝедән сөһбәтләрдә белә бир фәрзијјә ирәли сүрүлүб ки, сионистләр һәтта Азәрбајҹан рәсмиләринин дә телефон данышыгларыны динләјибләр. Мәгсәд исә бу дөвләтдән сијаси вә игтисади зәминләрдә баҹ алмаг олуб. Билдирилир ки, Икинҹи Гарабағ Мүһарибәсиндән сонра онларын мәһз бунун нәтиҹәсиндә мүхтәлиф мүгавиләләр бағламаглары да һәмин фырылдағын нәтиҹәси ола биләр.
Онлар әлбәттә башга үсуллара да әл атмағы унутмурлар. Азәрбајҹаны толерант дөвләт вә ја стратежи мүттәфиг адландырмаг да сионистләрин бу мүсәлман өлкәсинин етимадыны максимум дәрәҹәдә газанмаға јөнәлмиш ҹәһдләри сырасындадыр.
Мәсәлән вахташыры иддиа олунур ки, Исраил Азәрбајҹана силаһ тәдарүк едән әсас дөвләтләрдән биридир вә бу режимин истеһсалы олан һәрби техникалар ҝуја өтән илин пајызында баш вермиш 44 ҝүнлүк мүһарибәдә өзүнү јахшы ҝөстәриб.
Мараглыдыр ки, Исраил режиминин бу саһәдә тәблиғатыны апаранлар долајысы илә Азәрбајҹан Ордусунун рәшадәтинә, Түркијәнин вә Иран Ислам Республикасынын мүһарибә заманы ишғал олунмуш әразиләрин азад едилмәси ишиндә гардаш өлкәјә вердикләри тотал дәстәји көлҝә алтында гојурлар. Бу ҝүнләрдә Гафгаз Мүсәлманлары Идарәсинин сәдри Шејхүлислам Пашазадә һәзрәтләринин гәләбәдә Иранын алимәгамлы рәһбәринин фәтвасыны алгышламасындан дәрһал сонра һүҹумлара мәруз галмасы да мүһүм бир һәгигәти ортаја гојду ки, Исраил режими Азәрбајҹанда нәзарәтиндә сахладығы медиалар васитәсилә Ираны вә һәтта јери ҝәләндә Түркијәни шәрләмәклә мәшғул олур вә Тәл-Әвив режимини Азәрбајҹанын ән садиг мүттәфиги кими гәләмә верир.
Бунунла паралел олараг Исраил медиалары бу режимин Ҹәнуби Гафгаздакы хәрчәнҝвари нүфузуну тәмин етмәкдән өтрү Азәрбајҹаны тәрифләмәк методундан истифадә едирләр. Нүфузлу ивритдилли “Ысраел ҺаЈом” гәзетинин мәгаләсиндә дејилир: “Азәрбајҹан 30 ил ермәни ишғалы алтында галан әразиләрини азад едән галиб дөвләт кими бүтүн дүнјаја Ҹәнуби Гафгаз реҝионунда өзүнүн артан ҝеосијаси, һәрби-техники, техноложи вә дипломатик ҝүҹүнү сүбут етди”.
Гәрибәдир ки, Исраил режими Азәрбајҹаны өз тәрәфинә чәкмәкдән өтрү башга мәкирләрә дә әл атыр, сионист режим бу хүсусда Америкадакы ермәни вә јәһуди лобби тәшкилатлары васитәсилә Бајден һөкумәтини Гарабағ мәсәләсиндә анти-Азәрбајҹан мөвгеји тутмаға јөнәлдир ки, рәсми Бакы тәзјигләрдән хилас олмаг үчүн Исраилә пәнаһ апарсын. Бу, садәҹә олараг сионистләрә мәхсус олан методдур. Онларын әсас мәгсәдләри Азәрбајҹаны мәнҝәнә алтында сахламаг вә игтисади-тиҹарәт фәалијјәтләри ады алтында бу өлкә халгына вә еләҹә дә Иран Ислам Республикасына гаршы ҹасуслуг шәбәкәләрини ҝенишләндирмәкдир.
Белә бир ҝерчәклијин мөвҹуд олдуғу һалда тәәссүфләр олсу ки, сијаси експерт, политолог Мирсамир Мәммәдов "Шәрг" гәзетинә ачыгламасында иддиа едиб ки, Исраил ҝуја Азәрбајҹана гардаш өлкәдир. 30 илдир ки, ҝуја бүтүн дүнја күрсүләриндә Азәрбајҹаны дәстәкләјир. Исраил ҝуја Азәрбајҹанын ән сәмими‚ етибарлы вә сәдагәтли садиг ҹан достудур.
Тәбии ки, Азәрбајҹанын сијаси чеврәләриндә Исраиллә бағлы белә бир дүшүнҹәнин формалашмасы өлкәнин суверенлијини тәһлүкә алтына ата вә ону ишғалчы режимдән асылы вәзијјәтә сала биләр.
342/
1 avqust 2021 - 19:14
Xəbər kodu: 1165590
Исраил режиминин Азәрбајҹан Республикасы илә бағлы ишләтдији фәндләр өз аҹы нәтиҹәләрини вермәјә башлајыб.
