АБНА24 Хәбәр Верир, сәнәддә дејилир ки, һәмсәдрләр Ермәнистан-Азәрбајҹан сәрһәдиндә баш верән сон һадисәләри, о ҹүмләдән иткиләр вә инсан гурбанлары илә бағлы мәлуматлары нараһатлыгла изләјир.
Онлар Ермәнистаны вә Азәрбајҹаны вәзијјәтин дәрһал деескаласијасына, тәхрибатчы риторикадан вә һәрәкәтләрдән чәкинмәјә вә 9 Нојабр бәјанаты вә диҝәр разылашдырылмыш атәшкәс сазишләри чәрчивәсиндә ҝөтүрдүкләри өһдәликләри там шәкилдә јеринә јетирмәјә чағырыб.
Һәмсәдрләр мүнагишәнин бүтүн галан әсас мәсәләләринин данышыглар јолу илә, һәртәрәфли вә дајаныглы һәллинә еһтијаҹ олдуғуну бир даһа тәкрар едир вә тәрәфләри мүмкүн гәдәр тез онларын һимајәси алтында данышыглара гајытмаға чағырыб.
Онлар АТӘТ-ин Минск Групунун һимајәси алтында бирбаша икитәрәфли мәсләһәтләшмәләр тәшкил етмәк тәклифләрини бир даһа тәкрар едибләр.
Азәрбајҹан президенти 44 ҝүнлүк мүһарибәдән сонра дәфәләрлә Минск Групунун фәалијјәтинә артыг еһтијаҹ олмадығыны вурғулајыб. Һәтта групун бурахылмасы барәдә чағырышларын арды-арасы кәсилмир. Она ҝөрә дә сијаси чеврәләрдә гејд олунур ки, сәрһәд тоггушмаларынын баш вермәсиндә групун үзвү олан Франса вә АБШ мараглы ҝөрүнә биләр. Онлар бу јолла өз фәалијјәтләрини әсасландырмаг истәјирләр.
342/
30 iyul 2021 - 16:20
Xəbər kodu: 1164875
АТӘТ-ин Минск Групунун һәмсәдрләри Азәрбајҹан-Ермәнистан сәрһәдиндәки вәзијјәтлә әлагәдар бирҝә бәјанат јајыб.
