Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Фәләстин Ислами Ҹиһад һәрәкатынын сөзчүсү Тариг Сәлми билдириб: "Сионист режим силаһлылары, Фәләстин Ингилабчы Ҝәнҹләри тәрәфиндән тәшкил едилән нүмајишләри јатырмаг үчүн етдикләри ҹинајәт ҹәһдиндә нүмајишчиләрә атәш ачыблар. Нәтиҹәдә 41 јашындакы Шади Өмәр Лүтфи Сәлим адлы ҝүнаһсыз фәләстинли шәһид олуб."
О, әлавә едиб: "Бита гәсәбәсиндәки ингилабчы ҝәнҹләрин Ҹәбал Сәбиһдәки ишғалчыларла гаршы-гаршыја галмаг исрары Фәләстин вә дүнјанын бүтүн азад инсанларында бөјүк тәсир ҝөстәрди вә бу шәһәри ҹиһад, мүгавимәт вә ингилабын символуна чевирди. Гәләбә бу ингилабчы ҝәнҹләрә мәхсусдур."
Ислами Ҹиһад һәрәкатынын медиа нүмајәндәси вурғулајыб: “Шәһидләрин ганы боша ҝетмәјәҹәк вә Гүдсүн ишғалчы режими бизим Фәләстин торпагларымыздан силинән ҝүнә гәдәр ингилабчы ҝәнҹләри ингилабларынын ҝенишләнмәсинә доғру һәрәкәтә ҝәтирәҹәк.”
Сионистләр ишғалчы һәдәфләринә чатмаг үчүн ҝүндәлик олараг Фәләстинин мүхтәлиф бөлҝәләринә һүҹум едирләр. Вә јени әразиләри ишғал етмәклә сионист режимин әразиләрини ҝенишләндирирләр.
Гејд едәк ки, 1948-ҹи илдә Фәләстинин ишғалы башландыгдан 2020-ҹи илин сонуна гәдәр 100.000 фәләстинли сионистләр тәрәфиндән шәһид едилибдир.
Диггәт: Хәбәрдән Истифадә Етдикдә Мәнбәјә Истинад Лазымдыр!
