АБНА24 Хәбәр Верир, Журналистләрин Мүтәшәккил Ҹинајәткарлыг вә Коррупсијаны Арашдырма Лајиһәси сон арашдырмасында Исраилин “НСО Ҝроуп” ширкәти тәрәфиндән һазырланмыш Пеҝасус ҹасус програмынын көмәји илә журналистләрин, фәалларын вә сијасәтчиләрин телефонларынын күтләви шәкилдә изләнилдији ҝөстәрилиб.
"Сәрһәдсиз Репортјорлар" мәтбуат азадлығынын мүдафиәси тәшкилаты Исраилин “Пеҝасус” ҹасус системинин көмәјилә 20 өлкәдән 200 журналистин изләнмәси факты илә бағлы һиддәтләндијини билдириб.
"Сәрһәдсиз репортјорлар" бу күтләви тәгибләрә ҝөрә мәсул шәхсләрә гаршы мәһкәмә иддиасы ачмаг нијјәтиндә олдуғуну ачыглајыб.
Гејд едәк ки, сосиал шәбәкәләрдә бәзи азәрбајҹанлы журналистләр, иҹтимаи-сијаси фәаллар вә һүгуг мүдафиәчиләри адларынын бу сијаһыда олдуғуну иддиа едибләр.
Онлар бу мәсәләни "ганун позунтусу" вә "шәхси һәјата мүдахилә" адландырыр вә буна ҝөрә Азәрбајҹан һакимијјәтини иттиһам едирләр.
Арашдырмачы журналистләрә ҝөрә, сијаһыда олан мобил нөмрәләрдән ән азы икисинин Пеҝасус програмына јолухдурулдуғу "тәсдигләниб".
Адынын ҹасус програмыјла изләнән шәхсләрин сијаһысында олдуғуну иддиа едән журналист Севинҹ Вагифгызы дејиб ки, телефонунун изләнилмәси барәдә она мәлумат вериләндән сонра телефону бир програмчы тәрәфиндән јохланыб вә орда изләмә програмы ашкарланыб.
Севинҹ Вагифгызы иддиа едир ки, Азәрбајҹанда 1000 нәфәрдән артыг шәхс бу үсулла изләнилиб.
О бу һалы "гәбуледилмәз" вә "ганун позунтусу", "шәхси вә ишҝүзар һәјата, журналистин ишинә мүдахилә" һесаб едир.
Исраил режиминин Азәрбајҹанда коммуникасија саһәсинә хүсуси диггәт јетирмәси вә бу јолла вәтәндашларын шәхси һәјатына мүдахиләјә шәраит јаратмасы бирмәналы олараг гынанмагдадыр вә инди Пеҝасус програмынын ашкарланмасындан сонра ҹәмијјәтдә сөзү ҝедән режимә гаршы антипатија даһа да ҝүҹләнибдир.
Азәрбајҹан һөкумәтинин әлбәттә ки, бу иддиалара реаксијасы мәлум дејил.
342/
26 iyul 2021 - 18:59
Xəbər kodu: 1163630
Азәрбајҹанда журналистләрин, сијасәтчиләрин, инсан һаглары мүдафиәчиләринин телефонларынын “Пеҝасус” адлы ҹасус програмынын көмәји илә изләнилмәси һазырда дүнја медиасынын диггәтиндәдир.
