Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Түркијә ишғалчы гүввәләри Суријанын шимал бөлҝәсинә һүҹум едибләр.
Суријадакы Әл-Аләм мүхбиринин вердији мәлумата ҝөрә, ишғалчы Түрк ордусу гүввәләри Суријанын Ракка шәһәринин шималындакы транзит јолда ағыр силаһларла һүҹума кечәрәк бир Сурија вәтәндашыны шәһид едиб вә даһа үч Сурија вәтәндашыны ағыр јаралајыб.
Бир чох јерли хәбәр порталларында да Түрк әсҝәрләринин Рагганын шималындакы М4 транзит јолуна ағыр силаһларла һүҹум етмәси нәтиҹәсиндә бир Сурија вәтәндашын гәтлә јетирилиб вә үч нәфәрин јараланмасы хәбәри ишыгландырылыбдыр.
Гејд едәк ки, 2011-ҹи ил, Апрел ајындан башлајараг АБШ, Гәрб Иттифагы, сионист Исраил режими, Сәудијјә Әрәбистаны, Түркијә, Гәтәр (даһа сонра Гәтәр ојундан чыхараг Сурија илә әлагәләрини адиләшдирди) вә с әрәб өлкәләри Сурија Әрәб Республикасыны јыхмаг мәгсәди илә, хариҹи дөвләтләрдән вәһһаби террор дәстәләрини ҝәтиздирәрәк Суријанын дахилиндә мисли ҝөрүнмәмиш вәһшиликләр јаратдылар. Түркијә Сурија дахилиндәки әл Нүсрә, АСО вә бир сыра башга адларла мәшһур олан террор груплашмаларынын әсас малијјә вә силаһ-сүрсат дәстәкчисидир. Вә рәсми олараг 20219-ҹу илдән бәри Түркијә Силаһлы Гүввәләри Суријанын шималын ишғал едәрәк бурада һәрби әмәлијјатлар һәјата кечирирләр.
Диггәт: Хәбәрдән Истифадә Етдикдә Мәнбәјә Истинад Лазымдыр!
