Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Филиппин, 101 милјон инсанын јашадығы, 300.000 квадрат километр әразиси олан Ҹәнуб-Шәрги Асија өлкәләриндән биридир. Филипинлиләринјүздә 81-икатолик, јүздә 9-упротестантвәјүздә 10-умүсәлмандыр.
Ислам, Филиппинә Һиҹри Гәмәри тарихи илә сәккизинҹи (милади тарихи илә 14-ҹү) әсридә ҝәлиб вә Мүсәлманлар, христианлардан сонра өлкәдәки ән бөјүк дини азлыгдыр. Бир груп Филипинли Мүсәлман Моро ады илә шөһрәт тапараг билинир вә өлкәнин даһа чох Минданао, Соло вә диҝәр ҹәнуб адаларында јашајырлар.
Ирандакы Ислам Ингилабындан сонра Филипинли Мүсәлманлар Шиә мәзһәбинә мејилләнәрәк гәбул етдиләр; Бу мејлин зәминәси, шиә марагларына саһиб олан Сејјидләрин бу өлкәјә Ислам ҝәтирмәсиндән гајнагланыр. Филиппинли Мүсәлман алимләр Иран Ислам Ингилабыны дәстәкләдиләр вә Ингилабын гәләбәсиндән сонра Филиппинләрә дини китаблар Ирандан ҝәлди.
Филиппинләрдәки шиәләрин дәгиг сајы билинмир, анҹаг 30-46.000 арасында, әһалинин јүздә бириндән даһа аз олдуғу тәхмин едилир.
Инди исә ексклүзив олараг "Филиппин Имам Әли (ә) Ассамблејасынын рәһбәри Һөҹҹәтүл-Ислам вә Мүслимин "Сејјид Әли Әкбәр Абинал" илә өлкәнин шиәләринин вәзијјәти барәдә Үмүдүнја ӘҺли Бејт (ә) Ассамблејасынын кечиртдији алтынҹы иҹласы әрәфәсиндә гыса бир сөһбәтини тәгдим едирик:
Мүсаһибәни редаксијамызын журналисти ҹәнаб Муһәммәд Ҹавад Меһдизадә алыб.
АБНА: Әввәлҹә өзүнүзү тәгдим едәркән бизә Филиппинләрдәки фәалијјәтиниздән данышын?
Мән Филиппинин Ислами Мәрәви шәһәриндән олан Сејјид Әли Әкбәр Абиналам. Мәдәни вә дини фәалијјәтим Һәзрәт Әлинин (ә) мәсҹидиндә, семинаријасында вә китабханасындадыр. Сәгәләјн Радиосунун вә Ислам Дәвәти Форумунун офисиндә дә ишләјирәм. Миссионер гардаш вә баҹыларын тәрбијјәси мәним диҝәр фәалијјәтләримдән биридир вә Филиппиндәки телевизија програмларында да чыхыш едирәм.
АБНА: Филиппиндә Әһли Бејт (әлејһимус сәлам) Мәктәбинин тәблиғиндә һәр һансы бир тәһлүкәсизлик проблеми илә гаршылашмысыныз?
Бир нечә ил әввәл Филиппиндәки Имам Әли (әлејһи сәлам) Мәсҹиди ИШИД тәрәфдары силаһлы террорчуларын һүҹумуна мәруз галды вә бундан сонра вәзијјәт бизим үчүн бир аз чәтинләшди. Бу террорчулар мәсҹидимизин бәзи јерләрини јандырдылар. Мәсҹиди горумаг үчүн һөкумәтин иҹазәси илә силаһларымыз олдуғуна ҝөрә, террорчуларла гаршы дөјүшдүк вә үч террор үнсүрүнү өлдүрдүк вә јараладык, галан террористләр дә гачды. Бу террор һүҹумундан сонра Имам Әли (әлејһ сәлам) Мәсҹидини тәмир етдик.
АБНА: Филиппиндәки фәалијјәтинизин ҝүҹлү тәрәфләри нәләрдир?
Ән ваҹиб ҝүҹүмүз иҹтимаијјәтлә үмуми әлагәләрин гурулма бәһсидир. Мән вә Имам Әли (әлејһи сәлам) Мәркәзинин диҝәр тәблиғчиләри мүхтәлиф мәркәзләрдә вә телевизијаларда иштирак едиб Әһли Бејтин (әлејһимус сәлам) фәзиләтләриндән вә Иран Ислам Ингилабынын хүсусијјәтләриндән данышырыг вә бу ики мәсәләни Сәгәләјн радио шәбәкәси васитәси илә дә инсанлара ашылајырыг.
Ҝөрдүјүмүз ишләр сәбәб олду ки, әјаләтимизин вә програмларымызы изләјән гоншу вилајәтин әһалиси Әһли-Бејт (әлејһимус сәлам) Мәктәби вә Иран халгы илә мараглансынлар.
АБНА: Вәһһаби мәзһәби илә үзләшмәк үчүн һансы аддымлары атмысыныз?
Вәһһабиләр бизим ҝенишмигјаслы фәалијјәтләримизи ҝөрәндә Сәудијјә Әрәбистанындан ҝөндәрилән күлли мигдарда пулла бу фәалијјәтләрә гаршы чыхмаға чалышдылар, амма онлары габагладыг вә Филиппиндәки сүнни гардашларла ортаг ҝөрүшләр кечиртдик. Вә бу ҝөрүшләрдә сүнниләрин шиәләрә гаршы зеһнләринин вәһһабиләр тәрәфиндән корланмасынын гаршысыны алмаг үчүн онлары маарифләндирдик вә дејә биләрик ки, бөјүк өлчүдә буна наил дә олдуг.
ФилиппинпрезидентининИШИД-ләтутушмасыдабизәкөмәкетди. Рәсми олараг бу групу террор групу елан етди вә ИШИД үнсүрләри вә тәрәфдарларынын тәгибинә әмр верди.
Вәһдәт јөнүмлү сәјләримиз вә ИШИД әлејһинә ҝөрдүјүмүз ишләр вә анти-террор мөвгејимиз, Филиппин сүнниләринин бизә вә бу өлкәдәки Имам Әли (әлејһи сәлам) Мәсҹидинә бөјүк мараг ҝөстәрмәсинә сәбәб олду.
АБНА: Филиппиндә сүнниләрлә неҹә әлагә гурурсунуз?
Шәһәримиз дә дахил олмагла Филиппинин мүхтәлиф бөлҝәләриндәки мүсәлманларын әксәријјәти сүннидир. Биз Әһли-бејт әхлагын ҝөстәрмәк вә Имам Хомејнинин Ислам вәһдәти барәсиндәки ҝөстәришләрә әмәл етмәк үчүн сүнни гардашларла бирҝә чалышырыг. Бу онлары хошбәхт едир.
Мәсәлән, Сүнни гардашларынын иштиракы илә бир груп һалында шәһәримиздә Һз. Пејғәмбәрин (с) Милад Бајрамыны гејд едирик. Онлар һәтта Имам Һүсејнин (ә) әзадарлыг мәрасиминдә дә бизимлә бирҝә иштирак едирләр.
Филиппиндәки вәһһабиләр бизи шиәләр вә сүнниләр арасында ајырылыг салмаг үчүн чох сәј ҝөстәрирләр; Анҹаг Аллаһын разылығы үчүн чалышанлар һәмишә галиб ҝәлирләр.
АБНА: Әһли Бејт (әлејһимус сәлам) тәлимләринин Филиппиндә јајылмасы үчүн һансы тәсирли бир иш ҝөрдүнүз?
Гумдакы семинаријада савадлы тәләбәләрин көмәји илә Мәсум Имамларын һәгигәтини сүнни филиппинлиләрә ҝөстәрмәк үчүн ҝөрдүјүмүз ишләрдән бири дә Сәудијјә дәстәкли вәһһаби шејхләри илә елми дискусијалар апармаг иди.
Вәһһаби шејхләринин зәифлији мүбаһисәләрдә елми ҹәһәтдән сүбут едилди вә бу мәсәлә Әһли Бејтин (әлејһимус сәлам) Филиппиндә таныдылмасына көмәк етди. Инди Филиппин сүнниләри арасында, исмәт вә сафлыг аиләси олан Әһли Бејт (әлејһимус сәлам) таныныр вә онлар бу аиләјә бөјүк һөрмәт бәсләјирләр.
Диггәт: Хәбәрдән Истифадә Етдикдә Мәнбәјә Истинад Лазымдыр!
