АБНА24 Хәбәр Верир, Түркијәнин Хәзинә вә Малијјә Назирлији бу өлкәнин хариҹи борҹларынын ҹари илин 31 мартына кими 262.1 милјард доллар сәвијјәсиндә олдуғуну елан едиб.
Бу рәгәм Түркијәнин милли ҝәлириндән 36 фаизинә аид олур. Бәзи експертләр бу рәгәмин Түркијәнин ҝәлири илә мүгајисәдә ән јүксәк борҹ сәвијјәси олдуғуну билдирирләр.
Түркијәнин игтисадијјатында јаранмыш бу дурум јерли експертләрдә нараһатлыға сәбәб олуб. Онлар билдириеләр ки, өлкәнин рәсми олараг, хариҹдән ҹәлб етдији кредитләрин һәҹми вә һазырки вәзијјәтдә бу борҹларын тәһлүкәли тәрәфләри Түркијәни мүфлис вәзијјәтә сала биләр. Рәсми мәлуматлара ҝөрә, Түркијәнин хариҹдән ҹәлб етдији кредитләрин һәҹми гејри-ади һәддә чатыб вә бу хариҹи борҹ Үмуми Дахили Мәһсулун 40 фаизини кечибдир.
Азәрбајҹанлы игтисадчы Мәһәммәд Талыблы һесаб едир ки, индики һалда бу тәһлүкәнин ән пис тәрәфи бунлардыр:
1- Алынмыш кредитләр дөвләт сатыналмалары үчүн сәрф едилиб вә ири инвестисија лајиһәләри малијјәләшдирилиб.
2- Бу лајиһәләр әсасән дәјәр јаратмајан саһәләрә хәрҹләнмәклә истеһсал тәјинаты олмајан, истеһлак вә идхал еһтијаҹларынын гаршыланмасы үчүн едилиб.
3- Ән писи исә одур ки, алынмыш кредитләрин гајтарылмасы дөврләри чох јахынлашыб. Неҹә дејәрләр, борҹ гапынын ағзыны кәсиб.
342/
11 iyul 2021 - 13:49
Xəbər kodu: 1159233
Түркијәнин Малијјә Назирлији бу өлкәнин хариҹи борҹларынын рекорд һәддә артдығыны елан едиб.
