АБНА24 Хәбәр Верир, Американын Вјанада кечирилән нүвә анлашмасынын бәрпасы үзрә мүзакирәләр јолундакы саботажларына вә Теһранын бүтүн санксијаларын арадан галдырылмасы ваҹиблијинә даир шәртини гәбул етмәмәсинә рәғмән, мәһз Вашингтон нүвә анлашмасына гајыдыш үзрә фүрсәтин битмәсиндән ниҝаран олубдур!
«Блумберг» вебсајты хәбәр верибдир ки, Американын демократ һөкумәтинин нөгтеји-нәзәринҹә, нөгсанлара малик олмасына рәғмән, нүвә анлашмасы һәлә дә ҝүҹлүдүр вә һазыркы дөврдә бу анлашмаја гајыдыш, НПТ ҹәһәтдән фајдалара малик ола биләр.
Нүвә анлашмасынын бәрпасы үзрә Вјана мүзакирәләринин алтынҹы раунду ијунун 12-дә бу анлашма үзрә бирҝә комиссијанын иҹласынын кечирилмәсилә башланды вә елә һәмин ҝүн Сејид Аббас Әрагчи билдирди ки, Иран Ислам Республикасы өз әсас тәләбләринә чатмадан гәтијјән разылыға ҝәлмәјәҹәк.
Биз Иранла нүвә анлашмасы барәдә данышыгларын једдинҹи раундунун кечирилмәсини ҝөзләјирик- дејә, АБШ Дөвләт Департаментинин сөзчүсү Нед Прајс ҹүмә ахшамы ҝүнү сәһәр саатларында билдирди.
Бунунла белә, Русијанын Вјанада јерләшән бејнәлхалг тәшкилатлардакы нүмајәндәси дејиб ки, һәлә нүвә анлашмасы барәдә Вјана мүзакирәләринин једдинҹи раундунун кечирилмәсинин дәгиг тарихи мүәјјән едилмәјибдир.
342/
11 iyul 2021 - 06:27
Xəbər kodu: 1158975
Бир американ вебсајт иддиа едиб ки, Вашингтонун нүвә анлашмасына гајыдыш данышыгларындакы мүзакирә командасы бу анлашманын бәрпасы үзрә фүрсәтин битмәкдә олмасындан ниҝарандыр.
