АБНА24 Хәбәр Верир, фәләстинли әсирләр барәдә информасија офиси билдириб ки, Гәзәнфәр Әбу-Әтван сионист режимлә 65 ҝүн мүбаризәдән сонра бу режимдән өз азадлыг һөкмүнү алыб.
Бу фәләстинли әсирин вәкили Ҹавад Боулус да тәсдиг едибдир ки, Әбу-Әтванын идари һәбс һөкмү ләғв едилиб вә о, дүнән ҝеҹә азад едилиб.
Сионист режим 28 јашлы Әбу-Әтваны 2020-ҹи илин октјабрында әсир ҝөтүрдү вә барәсиндә һәр бири алты ај олмагла ики һәбс һөкмү верди. Әбу-Әтван да ҹари ил ијунун бешиндә өз идари һәбсинә етираз олараг аҹлыг елан етди.
Әбу-Әтванын аҹлыг аксијасынын давам етмәсинин ардынҹа фәләстинли мәнбәләр сон ҝүнләр онун вәзијјәтини сон дәрәҹә ағыр елан етдиләр.
Фәләстин мухтаријјәтинин хариҹи ишләр назири Әлмалики чәршәнбә ҝүнү сионист режим мәһбәсләринин әсирләрә гаршы сијасәтләринин ҝениш шәкилдә писләнилмәси үзрә сәј вә бу режими рүсвај етмәк истигамәтиндә бејнәлхалг иҹтимаијјәтин тәҹили тәдбирләр ҝөрмәсини истәди.
342/
9 iyul 2021 - 15:36
Xəbər kodu: 1158567
65 ҝүн бундан өнҹә өзүнүн идари һәбси барәдәки ганунсуз һөкмүн узадылмасына етираз олараг аҹлыг елан етмиш фәләстинли әсир азадлыға бурахылыб.
