АБНА24 Хәбәр Верир, Анатоли Сидиров “Руссиа Тодај”ә мүсаһибәси заманы бәјан едиб ки, Таҹикистан һәрбчиләри сәрһәдин горунмасы ишинин өһдәсиндән мүвәффәгијјәтлә ҝәлирләр. Өлкәнин јалныз техники јардыма еһтијаҹы вар.
Гејд едәк ки, АБШ вә НАТО гүввәләринин Әфганыстандан чыхарылмасынын ардындан өлкәдәки Талибан јараглылары фәаллашыб. Онлар бир сыра әразиләри, о ҹүмләдән дә Таҹикистанла сәрһәд рајонларыны әлә кечирибләр. Сәрһәд заставаларында хидмәт едән Әфганыстан һөкумәт гүввәләринин јүзләрлә һәрбчиси исә өлүм тәһлүкәси алтында сәрһәди кечәрәк Таҹикистан әразисинә дахил олублар. Мәсәлә илә бағлы Таҹикистанын КТМТ јанында даими нүмајәндәси Һәсән Султонов сәрһәд бөһранынын һәлли үчүн тәшкилата мүраҹиәт едиб.
Бу арада Риа Новости хәбәр верир ки, “Талибан” груплашмасы Таҹикистанла Әфганыстан арасындакы көрпүдә өз "бајрағыны" галдырыб.
Пентагонун мәтбуат катиби Ҹон Кирби исә мәтбуат брифингиндә дејиб ки, Талибан онларла мәркәзи бөлҝәни әлә кечириб, онлар әјаләт мәркәзләри үчүн дә тәһлүкә јарадаҹаглар.
342/
9 iyul 2021 - 15:35
Xəbər kodu: 1158566
КТМТ бирләшмиш гәрарҝаһынын рәиси Таҹикистанын Әфганыстанла сәрһәдинин мүдафиәси үчүн Коллектив Тәһлүкәсизлик Мүгавиләси Тәшкилатынын (КТМТ) һәрби гүввәләринин ҹәлб едилмәсинә еһтијаҹ олмадығыны билдириб.
