Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Иран Ислам Республикасы АБШ-ын ҹинајәткарҹасына тәтбиг етдији өлдүрүҹү санксијаларына бахмајараг Аллаһ Тәаланын изни вә 14 Мәсумларын васитәси илә өзүнүн диндар елм адамлары вә мүтәхәссисләринин сајәсиндә каронавирус әлејһинә 3-ҹү пејвәндини истеһсал мәрһәләсинә чатдырды.
Белә ки, Иран Ислам Республикасынын Гида вә Дәрман Идарәсинин сөзчүсү бир твитиндә Иранын Пастер Институтунун Пастокок пејвәнди үчүн тәҹили лисензијанын верилдијини елан едиб.
"Киануш Ҹаһанпур" бу твитиндә белә јазыб: "Бу пејвәнд истеһсал вә үмуми истеһлак мәрһәләсинә чатан икинҹи јерли истеһсал олунан корона пејвәндидир."
Др. Киануш Ҹаһанпур диҝәр бир твитиндә шәкил пајлашараг белә јазыб: "Бу да, ҹәнаб Габриел Гарҹиа Фернандез, Субрана пејвәндини (Иранда бу пејвәнд Пастокок адланыр) бир клиник сынаг шәклиндә гәбул едән илк ушаг. Каронаја гаршы олан бу пејвәнд 5 - 17 јаш групулары арасында ушаг вә јенијетмәләрин тәһлүкәсизлијинә үмид гығылҹымлары илә вурулур."
Гејд едәк ки, Иран Ислам Республикасынын Пастер Институту вә Кубанын Финлај Институту тәрәфиндән бирҝә истеһсал едилән бу пејвәндин клиник сынағы Кубада ушаг вә јенијетмәләрин јаш груплары арасында старт верилмишдир.
Пастокок адланан Субрана пејвәндинин сәнәдләри артыг тамамланараг Иран Ислам Республикасында 18 јаш вә јухары јаш групу үчүн тәҹили истифадә иҹазәсини алмышдыр.
Диггәт: Хәбәрдән Истифадә Етдикдә Мәнбәјә Истинад Лазымдыр!
