АБНА24 Хәбәр Верир, рәсми Теһран Исраилин вә Сәудијјә Әрәбистаны коалисијасынын мүһарибәләрдә ушаглара гаршы зоракылыгла бағлы БМТ-нин тәртиб етдији сијаһыја әлавә едилмәмәсини кәскин гынајыб.
Иранын БМТ-дәки даими нүмајәндәси Мәҹид Тәхти-Рәванчи БМТ-дә ушаглара гаршы зоракылыг мөвзусунда тәшкил едилән иҹласдакы чыхышында сон 12 ҝүнлүк Гәззә мүһарибәсиндә Исраил режими тәрәфиндән өлдүрүлән 253 нәфәрдән 66-нын ушаг олдуғуну билдириб вә Исраилин гара сијаһыда јер алмамасыны кәскин гынајыб.
Иран рәсмиси ејни заманда Сәудијјә коалисијасынын авиазәрбәләриндә Јәмәндә индијә гәдәр 3,500 ушағын һәлак олдуғуна вә 4000 ушағын јараланмасы вә шикәст вәзијјәтинә дүшмәсинә тохунараг, БМТ-нин ҝөрмәздән ҝәлдијини дејиб.
Гејд едәк ки, БМТ 2016-ҹы илдә Сәудијјә Әрәбистаны вә онун рәһбәрлик етдији һәрби коалисијаны, мүһарибә заманы “ушагларын һүгугларыны позан” өлкәләр сијаһысына дахил етмишди. Даһа сонра Сәудијјә Әрәбистаны Јәмәнә “јардымла бағлы” дәстәјини кәсәндән сонра БМТ бу гәрарындан дашынды. Ҹари ајда БМТ әксинә Јәмәнин Әнсарулла һәрәкатыны гејд едилән сијаһыја әлавә едиб.
342/
29 iyun 2021 - 12:20
Xəbər kodu: 1155153
Иран Ислам Республикасы сионист Исраилин вә Сәудијјәнин БМТ-нин гара сијаһысына салынмамасыны кәскин тәнгид едиб.
