АБНА24 Хәбәр Верир, Салливан мүхбирләрә дејиб ки, Брүсселдә кечирилән НАТО саммитиндә АБШ вә Түркијә президентләри Ҹо Бајден вә Рәҹәб Тәјјиб Әрдоған Түркијәнин Кабул Бејнәлхалыг Һава Лиманынын мүһафизәсини өз үзәринә ҝөтүрмәси тәклифини деталлы шәкилдә мүзакирә едибләр.
Хатырладаг ки, АБШ президенти Әфганыстандакы бүтүн Америка гүввәләринин мәлум 11 сентјабр һадисәләринин 20-ҹи илдөнүмүнәдәк бу өлкәдән чыхарылмасыны әмр едиб.
Президентин мөвгејиндән фәргли оараг бир мүддәт әввәл Пентагон шефи Лојд Аустин вә Одрунун баш гәраҝаһ рәиси Марк Миллеј Сенатда кечирилән динләмәдә билдирмишләр ки, бүтүн хариҹи гүввәлрин Әфганыстаны тәрк етмәси илә бу өлкә вәтәндаш мүһарибәсинин ағушуна дүшә вә террор груплары јенидән ат ојнада биләҹәкләр. Бу ачыгламалар бәлкә она ҝөрә верилир ки, ҝәләҹәкдә мүмкүн һәрби мүдахиләләри әсасландыра билсинләр.
Мај ајында хариҹи гүввәләрин Әфганыстандан чыхарылмасына старт вериләндән бәри бу, террор тәшкилатларынын дирчәлә биләҹәјинә даир ән ҹидди хәбәрдарлыг һесаб олунур. О да етираф едилир ки, Әфганыстанын дахилиндә террор групларына нәзарәт үчүн һәрби-тәһлүкәсизлик имканы мәһдудлашаҹагдыр.
Белә бир шәраитдә АБШ вә НАТО гүввәләриндән јарысынын чыхарылмасына рәғмән Талибан вә диҝәр террор груплашмаларынын фәаллашмасы фонунда бу просесин тәкмилләшәҹәји шүбһә доғурмаға башлајыб. Тәсадүфи дејил ки, Пентагонун тәһлүкәсизлик мәсәләләри үзрә мүавини Әлгаидә вә Талибанын ҹанланмасы илә Америка гүввәләринин јенидән Әфганыстана гајытмаларыны истисна етмәјиб.
Бу контекстдә Түркијә өз мараглары наминә Әфганыстанда фәаллашмагла бу өлкәдә нүфуз даирәсини ҝенишләндирмәји, игтисади марагларыны тәмин етмәји вә НАТО-нун планларында иштирак етмәклә бу һәрби алјанса садиг галдығыны нүмајиш етдирмәк нијјәтиндәдир. Диҝәр тәрәфдән Түркијә бу мәгсәдлә Пакистанла тәрәфадаш олмағы ҝүндәмә ҝәтирмәклә Талибан проблеминдән сығорталанаҹағыны да дүшүнүр. Лакин талибләрин үмумијјтлә хариҹи гүввәләрин мөвҹудијјәти илә мүхалиф олдугларыны нәзәрә алсаг, бу сијасәт фиаскоја уғраја биләр.
342/
23 iyun 2021 - 17:49
Xəbər kodu: 1153260
АБШ президентинин милли тәһлүкәсизлик мүшавири Ҹејк Салливан Түркијәнин Кабул Һава Лиманынын мүһафизәсини тәмин едәҹәјинә даир тәклифини алгышлајыб.
