АБНА24 Хәбәр Верир, 23 јашлы Зејнал Шаһһүсејнов Гум Елми Һөвзәсинин вә Нардаран мәдрәсәсинин тәләбәси олуб.
О, Фүзули истигамәтиндә ҝедән дөјүшләрдә гәһраманҹасына дөјүшүб вә ағыр јараланмыш вә дөјүш зонасындан чыхарылараг Бакы Шәһәр Һәрби Һоспитала јерләшдирилмишди. Һәрби һоспиталдан тәхрис олундугдан сонра ев шәраитиндә давамлы мүалиҹә алан гази 12 ҝүн өнҹә комаја дүшүб Ләнкәран Мәркәзи хәстәханасына јерләшдирилмиш. Бир нечә ҝүн орада галдыгдан сонра өтән һәфтә Бакыја ҝәтирилмиш вә ијунун 16-да шәһид олуб.
Мәлуматда дејилир ки, шәһидин доғулдуғу Масаллы рајонунда илк өнҹә вида мәрасими кечирилиб, даһа сонра шәһид Гуран тилавәти вә Ја Һүсејн зикирләри илә Масаллы рајон гәбирсанлығында дәфн едилиб.
Табут үзәринә сәрилмиш үчрәнҝли Дөвләт Бајрағы әбәди хатирә сахланылмасы үчүн Шәһидин аиләсинә тәгдим едилиб.
Јери ҝәлмишкән билдирәк ки, Вәтән Мүһарибәсиндә Гум Елми Һөвзәсинин диҝәр тәләбәси Һөҹҹәтүлислам Маариф Сәфәров да Гарабағ уғрунда дөјүшләрдә шәһид олуб.
Руһани Маариф Сәфәров Има м Һүсејнә (ә) игтида едәрәк, дөјүш заманы бир чох рајонларын ишғалдан азад едилмәсиндә бирбаша иштирак етмиш вә гәһрәманлыг ҝөстәрмишдир.
342/
17 iyun 2021 - 14:29
Xəbər kodu: 1151449
Гарабағ мүһарибәсинин газиси, Гум Елми Һөвзәси вә Нардаран мәдрәсәсинин азәрбајҹанлы тәләбәси јараланмасындан нечә ај өтдүкдән сонра уҹа шәһадәт мәгамына наил олуб.
