Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Үмүмдүнја Мүсәлманларынын Али Лидери, Ајәтуллаһ Хаменеи һәзрәтләри, 4 Ијун, 2021 тарихдә Имам Хомејни (р.ә) -ин вәфатынын илдөнүмүндә телевизија васитәсилә чыхыш едиб.
Имам Хаменеи һәзрәтләри чыхышында “Ислам Республикасы” нәзәријјәсинин јаранмасы вә һәјата кечириләрәк реаллашмасыны, јәни Исламын дәринликләриндән гајнагланараг пак Ислам дининә вә Дини Демократијаја сөјкәнән бир һөкумәтин гурулмасыны мәрһум Имам Хомејнинин ән ваҹиб тәшәббүсү адландырараг билдириб: “Ислам Республикасынын вә Имам Хомејни системинин давамлылығынын әзәмәтли сирри, дүшмәнләрин бу системин тәнәззүлү вә тезликлә дағылаҹағы илә бағлы вердикләри бүтүн прогнозларына рәғмән, Ислам ганунларынын вә халгын иштиракы илә идарә олунан Һакимијјәт мәнасыны верән "Ҹүмһуријјәт" вә "Ислам" сөзләри иди. Бундан сонра да бу ики сөз давамлы инкишафын зәманәтчисидир.”
Ајәтуллаһ Хаменеи, һәмчинин Имам Хомејни һәзрәтләринин (р.ә) халгын даим сечкиләрдә иштирак етмәсинин зәрури олдуғуну, проблемләрин чөзүлмәсиндә ләјагәтли бир шәхси сечилмәсини һәлл јолу адландырыб. О, ҝәләҹәк президентин сосиал әдаләти јаратмаға, дахили истеһсалын ҝүҹләндирилмәсинә, коррупсијаја гаршы мүбаризә апармасынын зәрурилијинә ишарә едәрәк дејиб: "Халгын һәр бир үзвү өзүнү сечкиләрдә иштирак етмәк мәҹбуријјәтиндә сајмалы вә башгаларыны да буна тәшвиг етмәлидир."
Ингилабын Али Рәһбәри, Имамын вәфат етдији ҝүнләрдә хатирәсинин јенидән ҹанланмасына ишарә едәрәк әлавә едиб: “Милләт вә өлкә о бөјүк шәхсијјәтин, әвәзолунмаз лидерин, мүдрик һәкимин, полад ирадәјә малик бир шәхсин, дәрин иман вә меһрибан гәлбли рәһбәрин хатирәсини вә ҝөстәришләрини даима горујур".
Ајәтуллаһ Хаменеи ингилабын илкин ҝүнләриндә глобал екстравагантлар тәрәфиндән халгы мисли ҝөрүнмәмиш вә даим тәкрарланан, Ислам Республикасынын ики ај, алты ај вә ја ән чох бир ил әрзиндә мәһвә мәһкум олаҹағы илә бағлы вердикләри прогнозларына ишарә едәрәк дејиб: “Имам Хомејнинин гәтијјәтлији, халгын мүһарибәдә парлаг гәләбәләр газанмаглары вә диҝәр уғурлар шајәләри сәнҝитди. Анҹаг Имамын вәфатындан сонра дүшмәнләр вә пис нијјәтли инсанлар бир даһа Ислам Республикасынын сүгут етмәси илә бағлы чиркин арзуларыны тәкрарламаға башладылар.”
Ајәтуллаһ Хаменеи, 1369-ҹу (1990-ҹы) илдә көһнәлмиш вә һәддән зијадә иддиалы бир партијанын рәсми еланыны, бу һадисәдән бир нечә ил сонра бир груп милләт вәкилинин Ислам Республикасынын мүддәтинин битәҹәјинә даир үнванладыглары мәктубуну вә бәзи Америка рәсмиләринин Ислам Республикасынын 40 јашына чатмајаҹағы илә вердикләри прогнозларыны Ислам Республикасынын тәнәззүлә уғрајаҹағы барәдә јалныш прогнозлар олдуғуну билдирәрәк дејиб: “Ббу фәрдләр вә груплар, прогнозларында арзуларыны ифадә етмәклә јанашы дүнја ингилабларынын мәғлубијјәтә уғрадыгларына да истинад едирдиләр.”
Имам Хаменеи Ислам Республикасы Нәзәријјәсинин Имам Хомејни тәрәфиндән јарадылмасыны бөјүк бир иш адландырараг дејиб: “Бөјүк Имам бу нәзәријјәни бејнәлхалг сијаси нәзәријјәләр саһәсиндә дахил етди вә халгын ҝүҹү вә чох дәрин билији илә бу нәзәријјәни објективләшдирәрәк һәјата кечирди.”
Ислам Республикасынын ики ҹәһәти олан “Ислам” вә “Ҹумһуријјәт” илә гаты дүшмәнчилик едәнләрә тохунан Имам Хаменеи әлавә едиб: “Ислам Һакимијјәти илә мүхалифәтчилик едәнләрин бир һиссәси динсиз секулијарлар иди. Онларын иддиаларына ҝөрә, Динин сијаси һакимијјәт гурмасына вә өлкәни идарә етмәсинә һеч бир ләјагәти јохдур. Дин садәҹә бир сыра фәрди ишләрдән вә ибади мәсәләләрдән ибарәтдир. Әлбәтдә бир топлум секулијарлар да вардыр ки, Динин үмумијјәтлә ҹәмијјәт үчүн зәрәрли вә тирјәк олдуғуна инанырдылар.
Ислам Һакимијјәтинин әлејһдарларынын диҝәр бир групу исә динә инананлардыр, анҹаг дејирләр ки, Ислам сијасәтә ҝиришмәмәлидир. Бу инсанлар әслиндә "диндар секулијарлардыр" вә динин ҹәмијјәтдә иҹтимаи вә сијаси саһәләрдәки мүдахиләсинә вә һөкмранлығына инанмырлар."
Ајәтуллаһ Хаменеи Ислам Республикасынын Ҹумһуријјәт олмасына гаршы чыханларын да ики дәстә олдугларына ишарә едәрәк дејиб: "Бу мүхалифләрдән бәзиләри “секулијар либераллар”дыр. Онларын иддиасына ҝөрә демократија мүтләг либераллар вә технократлар тәрәфиндән јарадылмалыдыр. Вә бунун динлә һеч бир әлагәси јохдур.
Дини демократија әлејһдарларынын икинҹи групу исә динә инананлардыр. Лакин онлар дејјирләр ки, халгын дини һакимијјәти идарә етмәкдә һеч бир ролу јохдур. Дин халга һеч бир рол вермәдән вә халга сөјкәнмәдән һөкүмәти јаратмалыдыр. Бу нәзәријјәнин ифратчы үзүнү сон илләрдә ИШИД груплашмаларынын јаранмасында мүшаһидә етдик.”
Ајәтуллаһ Хаменеи инсанлара ҝүвәнәрәк јарадылан Дини Һакимијјәти ағыллы вә емосионал олмајан бир елми нәзәријјә адландырараг деди: “Дини демократија Исламын мәтниндән гајнагланыр вә ким буну инкар етсә, Гураны тәһгиг етмәјиб вә өјрәнмәјиб.”
Инсанларын Һз. Пејғәмбәрә итаәт етмәләринин ваҹиблији барәдә Гуранын тәкрарланан ајәләрини мисал ҝәтирәрәк әлавә етди: "Јүзләрлә Гуран ајәләриндә инсанларын Пејғәмбәрдән итаәт етмәләри ачыгланыб, ҹиһад, әдаләтин бәрпа едилмәси, ҹәзаларын иҹрасы, сосиал-игтисади әмәлијјатлар, бејнәлхалг мүгавиләләр вә онларла диҝәр саһәләр ки, бу саһәләрин бирләшмәси һөкумәтин гурулмасы демәкдир.”
Һөкумәтин гурулмасы илә әлагәдар чохсајлы һәдисләрә вә Һз. Пејғәмбәрин сүннәсинә истинад едәрәк, Али Рәһбәр әлавә едиб: "Пејғәмбәрин вәфатындан сонра, варис олмасы илә бағлы мүбаһисәләрә бахмајараг, һеч бир мүсәлман һөкумәтин дин вә Гуран илә идарә олунмасы барәдә шүбһә етмәди."
Ингилабын Али Рәһбәри чыхышынын бу һиссәсини јекунлашдырараг вурғулады: “Гурани Кәримин ајәләринә вә Пејғәмбәрин һәдисләринә вә рәвајәтләринә әсасән, Ислама инанан һәр бир кәс, Исламын һҺакимијјәтинә дә инанмалыдыр.”
Ислам Һакимијјәти мәсәләсини ачыгладыглајан Ингилабын Али Рәһбәри ҹүмһуријјәт вә демократија мөвзусуна тохунараг, халгын сәсвермәсинин мөтәбәрлијинин чох ваҹиб бир мәсәлә олдуғуна ишарә едәрәк билдириб: “Бу мөвзуја ики нөв јанашмаг мүмкүндүр: 1- Дини, етигади, Һагг вә мәсулијјәт чәрчивәси, 2 - Дини Һакимијјәтин практик олараг реаллашмасы халг олмадан мүмкүн дејил.”
Халгын дини вә етигад нөгтеји-нәзәриндән вердији сәсләрлә әлагәдар олараг әлавә етди: "Ајәләрдә вә һәдисләрдә инсанлар, елит тәбәгә ҹәмијјәтин талејиндә вә синиф ајрылыгларынын гаршысыны алмагда мәсул сајылырлар. Бунунла јанашы әмр бе мәруф мүһүм иҹтимаи бир вәзифә олараг гәбул едилир ки, әмр бе мәруфун ән ваҹибләриндән бири дә Дини Һөкумәтин гурулмасыдыр...
Халгдан дәстәк алмајан һөкумәтләрин ҝүҹ вә зүлмә әл атмагдан башга чарәләри јохдур. Амма Ислам һөкумәтндә зүлмә иҹазә верилмәдији үчүн Ислам һөкумәтинин реаллашмасы вә давамы јалныз халгын дәстәји илә мүмкүндүр. Мәһз бу сәбәбдән дә Дини Демократија вә Ислам Ҹумһуријјәти сырф дини бир лајиһәдир. Бәзиләри ки, иддиа едирләр мәрһум Имам Хомејни демократијаны Гәрбдән ҝөтүрмүшдүр бу әсассыз бир бәјанатдыр, чүнки Имам Хомејни кимәсә вә нәјәсә хатир Аллаһын һөкмүндән имтина етмәли олан бир инсан дејилди."
Имам Хаменеи һәзрәтләри сонра белә бујурду: "Имам Хомејнинин иҹтимаијјәтдә һиҹабын ваҹиблији мөвзусуну ҝүндәмә ҝәтирдији ҝүн имамын бәзи гоһумлары да дахил олмагла бир сыра инсанлар буна гаршы чыхды, лакин Имам Хомејни гәти шәкилдә бу мәсәләни- дини гајданы ҝүндәмдә сахлады.
Али мәгамлы Имам Хомејни дәрин дини биликләрә әсасланан бу дини јенилији һәјата кечирәрәк әсрләр боју истибдада алышмыш Иран милләтини сәһнәјә ҝәтирди ки, өзләринә вә онлардакы мөвҹуд потенсиаларына инанмагла бир нечә миниллик монархија режимини девирмәк, дүнјанын бүтүн бөјүк ҝүҹләринин дәстәјинә архаланараг Ирана гаршы апарылан сәккиз иллик мүһарибәјә галиб ҝәлә билсинләр...
Диггәт: Хәбәрдән Истифадә Етдикдә Мәнбәјә Истинад Лазымдыр!
