АБНА24 Хәбәр Верир, Азәрбајҹан Республикасы дахили ишләр назирлијинин мәлуматына ҝөрә, Кәлбәҹәр рајонуна ҝөндәрилмиш АзТв-нин кинооператору Сираҹ Аббасов, АзәрТаҹ рәсми хәбәр аҝентлијинин мүхбири Мәһәррәм Ибраһимов онлары апаран автомобилин танк әлејһинә мина илә тоггушмасы нәтиҹәсиндә һәјатларыны итирибләр.
Бу һадисә заманы һәмчинин журналистләри мүшајиәт едән Кәлбәҹәр рајонунун «Сусузлуг» бөлҝәси команданлығынын нүмајәндәси Ариф Әлијев дә һәјатыны итириб, дөрд нәфәр исә јараланыбдыр.
Азәрбајҹан Республикасынын дахили ишләр назирлији вә баш прокурорлуғу Ермәнистан гүввәләрини 1949-ҹу ил Ҹеневрә бејнәлхалг конвенсијасыны позмагда вә Азәрбајҹан Республикасынын әразиләриндә мина гојмагда иттиһам едибләр. Билдирибләр ки, һал-һазырда бу һадисә илә бағлы даһа артыг арашдырма апарылыр.
Азәрбајҹан Республикасы өтән ил 44 ҝүнлүк савашда отуз илә јахын Ермәнистан гүввәләринин ишғалы алтында олан Кәлбәҹәр рајону да дахил олмагла Гарабағдакы әразиләрини азад едә билди.
342/
4 iyun 2021 - 19:57
Xəbər kodu: 1147614
АзТв-нин кинооператору, АзәрТаҹ рәсми хәбәр аҝентлијинин мүхбири вә јерли рәсми нүмајәндәләрдән бири бу ҝүн Кәлбәҹәр рајонунда мина партлајышы нәтиҹәсиндә һәјатларыны итирибләр.
