АБНА24 Хәбәр Верир, Һәзрәт Ајәтуллаһулузма Хаменеи бу ҝүн сәһәр Имам Хомејни(р.ә)-ин илаһи вәфатынын илдөнүмү ҝүнүндә бир телевизија чыхышында Имам Хомејни(р.ә)-ин халгын бүтүн тәбәгәләринин сечкиләрдә иштиракы ваҹиблијинә даир даими тәкидинә ишарә едәрәк, лајигли шәхсин сечилмәсини проблемләр вә чатышмазлыгларын һәлл јолу адландырыблар.
О һәзрәт һәмчинин ҝәләҹәк президентин/ дахили истеһсалын ҝүҹләндирилмәси, мүлаһизә етмәдән вә ачыг шәкилдә коррупсија илә мүбаризә, сосиал әдаләтин јарадылмасына садиг галмасы ваҹиблији барәдә мүһүм ҹәһәтләри бәјан едәрәк, билдирибләр ки, халгын бүтүн тәбәгәләри сечкиләрдә иштирака һазыр олмағы вә башгаларыны да бу иши ҝөрмәјә тәшвиг етмәји өзләринә бир борҹ һесаб етмәлидирләр.
Ислам Ингилабынын Бөјүк Рәһбәри ингилабын әввәлинә вә дүнјадакы тамаһкарларын Иран Ислам Республикасынын ики аја, алты аја вә ја максимум бир илә мәһв олаҹағына даир ардыҹыл прогнозларынын мисли ҝөрүнмәмиш һәҹминә ишарә илә вурғулајыблар ки, Имамын әзәмәти, гәтијјәти вә халгын мүһарибәдә вә диҝәр мәсәләләрдәки парлаг гәләбәләри, бу һај-күјү сусдурду, амма Имам Хомејнин вәфатындан сонра дүшмәнләр вә бәдхаһлар бир даһа өзләринин Иран Ислам Республикасынын мәһвинә даир арзуларыны тәкрар етдиләр.
Һәзрәт Ајәтуллаһулузма Хаменеи дүшмәнләрин өнҝөрмәләринин там шәкилдә уғурсуз галмасына вә Иран Ислам Республикасынын ардыҹыл инкишафы, ирәлиләјиши вә гүдрәтинә ишарә едәрәк, вурғулајыблар ки, Имам Хомејнинин һөкумәт гурулушунун ифтихарлы вә әзәмәтлә долу сирри,/ республика вә ислами кими ики кәлмәнин јанашы олмасыдыр.
О һәзрәт Иран Ислам Республикасы нәзәријјәсинин верилмәсини Имам Хомејнинин бөјүк иши адландырыб вә белә гејд едибләр: Мөһтәрәм Имам бу нәзәријјәни сијаси-бејнәлхалг нәзәријјәләр мејданына дахил етди вә халгын ҝүҹү вә өзүнүн сон дәрәҹә дәрин мәрифәти илә ону һәјата кечирәрәк, реаллашдырды.
Ислам Ингилабынын Бөјүк Рәһбәри сонра вурғулајыблар ки, Имам, республика вә ислами кими ики кәлмәни, јәни ислам һакимијјәти вә халг һакимијјәтини бүтүн проблемләрин ачары һесаб едирди.
О һәзрәт билдирибләр ки, халг ишә ҝөтүрүлән вә Ислам мејарларына риајәт олунан заманларда ирәли ҝетдик вә бу икисиндән биринә риајәт олунмајан јердә ирәлиләмәдик.
Һәзрәт Ајәтуллаһулузма Хаменеи сечки намизәдләринә,/ јеринә јетиҹәкләринә әмин олмадыглары вәдләри вермәкдән чәкинмәләрини тәкидлә төвсијә едәрәк, дејибләр: Реал дајағы олмајан вәдләр вермәк јолверилмәздир вә бу кими вәдләр ҝүнаһ олараг, өлкәнин зәрәринәдир. Чүнки онларын һәјата кечмәмәси илә/ халг сечкиләрдән вә һөкумәт гурулушундан сојујур. Буна ҝөрә, јалныз мүтәхәссисләрин тәсдиг етдикләри вәдләри верин.
342/
4 iyun 2021 - 19:53
Xəbər kodu: 1147609
Ислам Ингилабынын Бөјүк Рәһбәри, Имам Хомејни(р.ә)-ин халгын бүтүн тәбәгәләринин сечкиләрдә иштиракы ваҹиблијинә даир даими тәкидинә ишарә илә лајигли шәхсин сечилмәсини проблемләр вә чатышмазлыгларын һәлл јолу адландырыблар.
