АБНА24 Хәбәр Верир, Исмаил Һәнјә Фәләстин халгынын гәләбәси мүнасибәтилә Ливанын ҹәнубунда јерләшән «Әјнулһилвә» дүшәрҝәсиндә кечирилән мәрасимдә етдији чыхышда дејиб ки, «Сәјф-ул-Гудс» дөјүшү вә Гүдсүн мүгавимәтин дөјүш гајдаларына дахил едилмәси, Фәләстин халгынын фәдакар мүгавимәти јолундакы фәргли нишанәләри гејдә алды.
Фәләстин мүгавимәти сионист режимлә ҝедән сон он ики ҝүнлүк саваш заманы минләрлә модерн ракетдән истифадә едәрәк, бу режими биртәрәфли атәшкәс елан етмәјә мәҹбур етди.
Һәмас һәрәкатынын лидерләриндән олан Исмаил Ризван да билдириб ки, сионист режим башчылары һәрби ҹинајәт төрәтдикләринә ҝөрә, мәсулијјәтә ҹәлб олунараг, мүһакимә едилмәлидирләр.
О, гејд едиб ки, Фәләстин Азадлыг Тәшкилатынын ислаһы вә милли бирлик рәһбәрлији кадрынын тәшкили просеси тез бир заманда башламалыдыр, зира милли бирлк һөкумәтинин тәшкили сечкиләр кечирилмәдән һеч вахт проблемләри һәлл етмәјәҹәк.
Фәләстин мухтаријјәтинин сәдри Маһмуд Аббас сон заманлар рәсми шәкилдә Фәләстин әразиләриндә сечкиләрин тәхирә дүшдүјүнү билдириб. Дејиб ки, сечкиләрин кечирилмәси, гәсб олунмуш Гүдсүн бу сечкиләрдә иштиракы имканындан асылыдыр.
Фәләстин парламент сечкиләри он беш ил фасиләдән сонра ҹари ил мајын 22-дә, рәјасәт сечкиләри ијулун отуз бириндә, милли шура сечкиләри исә августун отуз бириндә кечирилмәли иди.
342/
31 may 2021 - 13:27
Xəbər kodu: 1146252
Һәмас-ын сијаси бүросунун сәдри вурғулајыб ки, мүгавимәт меһвәри бу ҝүн Фәләстин халгынын вә онун шүҹаәтли мүгавимәтинин јолундакы тарихи бир дөнүш нөгтәсинин гаршысында дуруб.
