АБНА24 Хәбәр Верир, Азәрбајҹан Республикасы медиалары хәбәр верирләр ки, бу мәлуматы Русијанын Ермәнистандакы сәфири Серҝеј Копыркин јајыб. Онун сөзләринә ҝөрә, сәрһәд гошунларынын јени континҝентинин бөлҝәјә ҝәтирилмәси, Азәрбајҹан вә Ермәнистан сәрһәдиндәки ситуасија илә әлагәдардыр. О, Ермәнистандакы Русија һәрбчиләринин артан јүклә хидмәт етдијини вурғулајыб.
Гејд едәк ки, бундан өнҹә Ермәнистан һөкумәти Гафан, Меһри вә Техдә Русијаја пулсуз әсасда торпаг саһәләрин верилмәси барәдә гәрар гәбул етдији билдирилмишди.
Русијанын Азәрбајҹан вә Ермәнистан сәрһәдләриндәки сон вәзијјәтлә бағлы Ермәнистан тәрәфдә гошун јерләшдирмәси елә бир шәраитдәдир ки, Азәрбајҹан Республикасы президенти Илһам Әлијев дүнән Ағдамда етдији чыхышында Ермәнистанын дөвләт гура билмәдији вә башга дөвләтләрин чәрчивәсиндә јашадығыны билдирәрәк белә деди: Биз өз сәрһәдләримизи бундан сонра мөһкәмләндирәҹәјик, дөвләт сәрһәдиндә мөһкәмләнәҹәјик. Һеч ким бизә тәзјиг едә билмәз, һеч ким бизә тәсир едә билмәз.
Илһам Әлијев Авропа дөвләтләрини дә ермәнипәрәст мөвгедә иттиһам едәрәк Азәрбајҹан Республикасынын онларын анти-Азәрбајҹан гәтнамәләринә һеч бир әһәмијјәт вермәдијини билдирди: “Инди бәзи ермәнипәрәст өлкәләр, даирәләр һансыса ачыгламалар верирләр. Версинләр, онларын өз ишидир. Авропа Парламенти нөвбәти дәфә сахта фактлар әсасында гәтнамә гәбул едиб. Мән һеч она фикир вермирәм. Сизә дә мәсләһәт ҝөрмүрәм, Азәрбајҹан халгына да мәсләһәт ҝөрмүрәм. Бунлар һамысы әһәмијјәтсиз шејләрдир.”
342/
29 may 2021 - 15:22
Xəbər kodu: 1145560
Азәрбајҹан вә Ермәнистан сәрһәдиндәки ситуасија илә әлагәдар, Русијанын Сәрһәд Гошунлары Зәнҝәзурда мөвҹудлуғуну артырыб.
