АБНА24 Хәбәр Верир, Оху.аз порталы әкс-ингилабчы "Азад Иран" адлы телеҝрам каналына истинадла јени бир сахта мәлумат јајыб. Билдирилир ки, Иран Ермәнистана али рүтбәли һәрби мүшавирләр ҝөндәриб.
Иддиаја ҝөрә, һәрби мүшавирләр ҝуја Ермәнистан ордусунун дөјүш һазырлығынын јүксәлдилмәси үчүн бу өлкәјә ҝөндәрилиб.
Јазыда һәмчинин бир мүддәт әввәл Ирана мәхсус ПУА-ларын Азәрбајҹан сәрһәдиндә учуш һәјата кечирмәси дә хатырладылыб. Гејд олунуб ки, Иран ПУА-ларынын кәшфијјат учушлары тәсадүфи дејил, мәгсәдјөнлү характер дашыјыр. Белә ки, бунунла Иран Нахчыванда кечирилән тәлимләр вә Азәрбајҹан ордусунун Гарабағдакы бөлмәләринин јердәјишмәләри барәдә Ермәнистана мәлумат өтүрүр.
Бу ҝүнләрдә Теһран-Бакы әлагәләринин јүксәлән хәттлә инкишаф етмәсиндән нараһат олан муздлу даирәләр бу кими сахта мәлуматлары тиражламагла Иран илә Азәрбајҹанын әлагәләринә хәләл ҝәтирмәјә чалышырлар. Азәрбајҹан дөвләтинин Иранла достлуг әлагәләрини мөһкәмләтмәк сијасәтини нәзәрә алараг тәхрибат характерли дезинформасија јајан медиалары ҹиловламаг зәрурәт дашыјыр. Зира сирр дејил ки, онлар үчүнҹү дөвләт тәрәфиндән идарә олунур вә әлагәләри позмағы гаршыја мәгсәд гојублар.
Президент Илһам Әлијев исә һәлә 2014-ҹү ил нојабрын 13-дә иранлы һәмкары Һәсән Руһани илә ҝөрүшүндә бунун гәти әлејһинә олдуғуну вурғуламышды. "Һеч бир үчүнҹү тәрәф бизим арамыза ҝирә билмәз. Биз буна имкан вермирик вә вермәјәҹәјик. Бахмајараг ки, белә ҹәһдләр вар. Һәр ики тәрәфин ҝүҹлү ирадәси һеч вахт имкан вермәјәҹәк ки, мүнасибәтләримизә кимсә гарышсын, һансыса тәхрибат төрәтсин вә беләликлә, өз истәјинә наил олсун. Бунун гаршысыны алан һәр ики дөвләтин ҝүҹлү сијаси ирадәсидир вә ејни заманда, Иран вә Азәрбајҹан ҹәмијјәтләринин бу сијасәтә олан дәстәјидир. Бу олмаса, әлбәттә ки, ишимиз јарымчыг гала биләр" - дејә Азәрбајҹанын дөвләт башчысы бәјан етмишди.
Бу рәсми мөвгеји нәзәрә алараг, һазырда тыхрибатчы медиалары дурдурмаг үчүн әсас мәсулијјәт Азәрбајҹан дөвләтинин үзәринә дүшүр вә бу дөвләт сөзү ҝефән мәсәләдә өзүндән сијаси ирадә нүмајиш етдирмәлидир.
342/
23 may 2021 - 17:00
Xəbər kodu: 1143655
Ҝүлүнҹ иддиа: Теһран Ермәнистан ордусуну дөјүшә һазырлајаҹаг!
