АБНА24 Хәбәр Верир, Түркијә президенти Рәҹәб Тәјјиб Әрдоған дејиб ки, дүнја Исраил режимини бир террор режими кими танымалыдыр".
Ҹүмә ҝүнү Истанбулда кечирилән бир мәрасимдә чыхышы заманы ҹәнаб Әрдоған әлавә едиб: "Фәләстин бизи ҝөзләјирди вә бу аз јашлы ушагларын фәрјады бизи ҝөзләјир".
"Түркијә Исраил режиминин террорчу маһијјәтини танытдырмагда һеч нәдән әсирҝәмәјәҹәк вә дүнја бу режимин террорчу маһијјәтини дәрк етмәлидир", - дејә Әрдоған гејд едиб.
Бу арада Түркијә Хариҹи Ишләр Назирлији дә Исраил полисинин ҹүмә намазындан сонра фәләстинлиләрә мүдахиләсини писләјиб.
Гејд едилир ки, әл-Әгса мәсҹидиндә фәләстинлиләрин говулмасы әснасында азы 20 нәфәр хәсарәт алыб.
“Гәззәдә атәшкәс, Гүдсдә һүҹум вар! Исраил икиүзлү вә гејри-сәмими мөвге нүмајиш етдирмәјә давам едир. Инам вә дин азадлығыны мәһдудлашдыран бу вәһшилијин сона чатмасы артыг зәрурәтдир", - дејә Хариҹи Ишләр Назирлијинин Тwиттер-дәки ачыгламасында дејилир.
Хатырладаг ки, Фәләстин мүгавимәт груплары илә сионист режим арасында тоггушма мајын 10-дан, Гүдс вә Әл-Әгса мәсҹидиндә һүҹумлара сон гојмагла бағлы Тәл-Әвивә верилән ултиматумун сона чатмасы илә башлајыб.
Ҹүмә ҝүнү сәһәр саатларынадәк давам едән бу тоггушмаларда сионист режим јашајыш массивләрини һәдәфә алараг, фәләстинли гадынлар вә ушаглары ганларына гәлтан едиб. Фәләстин мүгавимәт груплары да бу ҹинајәтләрә ҹаваб олараг, сионист режимин мөвгеләринә гаршы күтләви ракет һүҹумуна башлајыблар вә "Дәмир Ҝүнбәз" системи бу ракетләрин чохуну изләмәкдән аҹиз галыб.
Дүнән ахшам чағы сионист режимин медиалары атәшкәс еһтималы һаггында мәлумат вердикдән сонра бу режимин назирләр кабинети рәсми олараг, Мисирин васитәчилији илә Гәззә золағында атәшкәсин бәргәрар едилмәси илә разылашыбдыр.
Фәләстин мүгавимәт груплары да атәшкәс елан едилдикдән бир нечә саат сонра ајры-ајры бәјанатлар јајараг, Тәл-Әвивин атәшкәсә садиг галаҹағы мүддәтҹә она садиг гаклаҹагларыны билдирибләр.
УНИСЕФ-ин мәлуматына ҝөрә, Исраилин Гәззә золағынын мүхтәлиф бөлҝәләринә етдији һүҹумлардан сонра тәхминән 107 мин инсан евләрини тәрк етмәк мәҹбуријјәтиндә галыб.
УНИСЕФ, ән азы 50 тәһсил мүәссисәсинин вә 20 сәһијјә тәсисатынын хәсарәт алдығыны вә су хәтләринин тәхминән әлли фаизинин зијан ҝөрдүјүнү билдириб.
342/
22 may 2021 - 19:34
Xəbər kodu: 1143392
Түркијә президенти ҹүмә ҝүнү етдији чыхышында дүнјанын Исраил режиминин террорчу маһијјәтиндән хәбәрдар олмасынын ваҹиблијини сөјләјиб.
