Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Иран Ислам Һакимијјәти даһа јени бир налијјәт әлдә едиб. Бу налијјәтләр Фәләстин Мүгавимәтинин ишғалчы Исраил режиминә гаршы “Гүдс Гылынҹы” ады илә 11 ҝүнлүк мүһарибәдә әлдә етдији гәләбә ҝүнү нүмајиш етдирилиб. Сепаһ там јерли истеһсал олан вә иранлы мөмин мүтәхәссисләр тәрәфиндән инкишаф етдирилмиш "9 Деј" ракет системи, пилотсуз тәјјарәләр вә мүдафиә саһәсиндә "Гүдс" чевик радары вә “Гәззә” ағыр пилотсуз учуш апаратынын тәгдиматыны кечириб.
Тәгдимат Сепаһын- Ислам Ингилабы Кешикчиләри Корпусунун Баш Команданы Сәрдар Салами вә Һәрби Һава Гүввәләринин команданы Сәрдар Һаҹызадәнин иштиракы илә баш тутуб.
"9 Деј" ракет системи
Гејд едәк ки, там јерли мәһсул олан “3 Хордад” ракет системи үзәриндә гурулмуш вә иранлы мөмин мүтәхәссисләр тәрәфиндән инкишаф етдирилмиш "9 Деј" ракет системи јахын мәнзилли вә ашағы сәвијјәдә учан һелекоптерләри, круз ракетләри вә һәтта тәјјарәләрдән бурахылан бомбалары кәшф едиб вурмаг габилијјәтинә маликдир.
"Гүдс" чевик радары
Јени “Гүдс” радарынын үстүнлүјү онун пилотсуз тәјјарәләрин кәшфи вә мүдафиә саһәсиндә сүрәтли һәрәкәт габилијјәтинә малик олмасы, јүксәк әмәлијјат ҝүҹү вә тәјин олунмуш јердә јерләшдирилмәсинин чевиклијиндәдир.
“Гәззә” ағыр пилотсуз учуш апараты
Бу ағыр пилотсуз тәјјарә дөјүш тапшырығы заманы 2000 километр радиусуна гәдәр әмәлијјат апарыр. Әмәлијјатларда 13 бомба дашымагла јанашы, 500 килограм мүхтәлиф аваданлығы дашымаг, мәлуматлары вә сигналлары топлама габилијјәтинә маликдир.
“Гәззә” ағыр ПУА-сы дөјүш вә мүдафиә мәгсәдләринин иҹра етмәклә јанашы һәм дә мешәләрин мониторинги, хиласетмә әмәлијјатлары, сел вә зәлзәлә кими тәбии фәлакәтләрдә јардым етмә вәзифәләрини һәјата кечирә биләр.
Диггәт: Хәбәрдән Истифадә Етдикдә Мәнбәјә Истинад Лазымдыр!
