АБНА24 Хәбәр Верир, Иран Ислам Ингилабынын Бөјүк Рәһбәринин бејнәлхалг мәсәләләр үзрә мүшавири Әли Әкбәр Вилајәти Һәмас-ын сијаси бүросунун сәдри Исмајыл Һәнијјә илә телефон данышығында, ону Фәләстин халгынын гејрәтли оғулларынын вә Фәләстинин һәлледиҹи вә дәјәрли ҹиһадында мүһүм вә тәсирли гүввәләриндән бири кими Һәмасы-ын газандыглары уғурлар вә наилијјәтләр мүнасибәтилә тәбрик едиб, һәмчинин гадын вә ушаглар да дахил олмагла бир груп мәзлум фәләстинлинин шәһид олмасы илә әлагәдар башсағлығы вериб вә дејиб: "Фәләстинин шәрәфли халгы, 25 илдән чохдур ки, гәсбкар сионист режимин ҹинајәтләри гаршысында мүгавимәт ҝөстәрир, бу ҹинајәткарларла дөјүшүр вә шәһид верир вә Ислами ојанышын бајрагдары олдугларыны сүбут едиб".
О, вурғулајиб: "Иншаллаһ, тезликлә гәләбә әлдә едиләҹәк вә сиз һазыркы дөврдә ҹиһадын бариз нүмунәсисиниз вә шәрәфли Фәләстин халгы сизин бајрагыныз алтында Ислам дүнјасында азадлыг һәрәкатынын даима өн сыраларында олдуғуну ҝөстәрди".
Һәмас һәрәкатынын сијаси бүросунун сәдри Исмајыл Һәнијјә дә Иран Ислам Республикасынын Фәләстин мәсәләсиндәки мөвгејини гијмәтләндирәрәк, дејиб: "Иран Ислам Республикасы Фәләстин вә Гүдси-Шәрифин амалыны дәстәкләмәкдә өнҹүл өлкәләрдән биридир вә Аллаһ-ын лүтфү илә Гүдсү, Ислами дәјәрләри вә Фәләстини мүдафиә етмәк үчүн Ислам үммәтинин илк сәнҝәриндә һазырыг".
342/
18 may 2021 - 20:56
Xəbər kodu: 1142294
Һәмас һәрәкатынын сијаси бүросунун сәдри Иран Ислам Республикасынын Фәләстинә дәстәк мүнасибәтини јүксәк гијмәтләндириб вә Иранын Фәләстин вә Гүдси-Шәрифин амалыны дәстәкләмәкдә өнҹүл өлкәләрдән бири олдуғуну вурғулајыб.
