Тәхти Рәванчи: "Өзүнүмүдафиә фәләстинлиләрин вазкечилмәз һаггыдыр"

АБНА24 Хәбәр Верир, Иранын БМТ-дәки сәфири вә даими нүмајәндәси Мәҹид Тәхти Рәванчи БМТ Тәһлүкәсизлик Шурасынын Фәләстиндәки сон инкишафлары нәзәрдән кечирмәк мәгсәдилә кечирилән иҹласында дејиб: "Бу иҹласла ејни заманда сионист режимин вәһши гүввәләри Фәләстиндә, хүсусилә дә дүнјанын ән бөјүк үстү ачыг һәбсханасы олан Гәззә золағында һәгиги гәтлиам төрәдирләр вә индијә кими 58-и ушаг, 34-ү гадин олмагла 192 нәфәри шәһид едибләр.

О, сионист режимин ҹинајәтләрини шәрһ едәркән дејиб: "Онлар горхагҹасына мүдафиәсиз гадынлары гәтлә јетирирләр, көрпәләри вә ушаглары амансызҹа өлдүрүрләр, ејни аиләнин бүтүн үзвләрини вәһшиҹәсинә өлдүрүрләр, мүгәддәс мәканлара һәјасызҹасына һөрмәтсизлик едирләр, јашајыш массивләрини, мәктәбләри, сәһијјә вә мүалиҹә мәркәзләрини намәрдҹәсинә бомбалајырлар вә евләри дағыдырлар, бир сөзлә, ејни анда дөрд бөјүк бејнәлхалг ҹинајәти төрәдирләр".

Иранын БМТ-дәки даими нүмајәндәси әлавә едиб: "Бәс гондарма сионист режими неҹә бу ҹүр ҹинајәтләри там тохунулмазлыгда төрәдир? Чүнки јетмиш илдән чох бир мүддәтдә БМТ тәһлүкәсизлик Шурасы бу режимин бүтүн ганунсуз әмәлләри гаршысында өлүмҹүл сусгунлуг нүмајиш етдириб вә бу мүтләг вә изаһ олунмаз пассивлик бу гурума олан етимад вә инамы сарсытмагла јанашы, һәмчинин ону етибарлылыг вә леҝитимлик бөһраны илә үзләшдирәрәк, бу режими там вәһшиликлә даһа чох ҹинајәт төрәтмәјә ҹәсарәтләндириб".

Тәхти Рәванчи сөзләринин давамында дејиб: "Бу сәбәбдән дә сионистләр ән пис бејнәлхалг ҹинајәтләри јәни ҝеносид, мүһарибә ҹинајәтләри, инсанлыға зидд ҹинајәтләри вә тәҹавүз ҹинајәтләрини төрәдибләр; 15-дән чох мүһарибә башладыблар, диҝәр өлкәләрин әразиләрини ишғал едибләр, истиснасыз олараг, бүтүн гоншуларына һүҹум едибләр".

Иранын нүмајәндәси даһа сонра "Нијә Тәһлүкәсизлик Шурасы бу ҹүр ҹинајәтләр, тәһдидләр вә тәҹавүзләр гаршысында узун мүддәт сусуб? суалынын ҹавабында исә дејиб: "Ҹаваб садәдир: чүнки Тәһлүкәсизлик Шурасынын даими үзвү олараг, АБШ, истәр демократлар олсун, истәрсә дә республикачылар, систематик олараг, Тәһлүкәсизлик Шурасынын һәр һансы бир һәрәкәти гаршысында сионист режими дәстәкләјиб вә бу ҝүнә гәдәр бу режимә гаршы Тәһлүкәсизлик Шурасынын 44 гәтнамә лајиһәсинә вето гојубдур".

342/