АБНА24 Хәбәр Верир, сионист режим ордусу билдириб ки, бу ҝүн сәһәр саатларында Гәззә золағындан Гәззә илә һәмсәрһәд олан сионист гәсәбәләрә 150 ракет атылыб вә бу режимин анти-ракет системләри һәмин ракетләрдән тәкҹә бир нечәсинин изинә дүшәрәк, мәһв едә билибдир.
Бу мәлумата ҝөрә, Әсгәлан вә Седирот сионист гәсәбәләри дә мүгавимәт гүввәләри ракетләринин һәдәфләринә чеврилибләр.
Сионист режим ордусунун радиосу билдириб ки, сионист мәсул шәхсләр Фәләстин мүгавимәт гүввәләринин ракет һүҹумлары горхусундан Гәфатим, Бени-Барак, Тәл-Әвив вә Һајфа шәһәрләриндәки үмуми сығынаҹаглары ачыблар.
Диҝәр тәрәфдән, сионист режим гырыҹылары Гәззә золағынын шималы вә ҹәнубундакы рајонлары һәдәфә алыблар. Нәтиҹәдә, индијә кими ијирми фәләстинли шәһид олуб, јетмиш нәфәр исә јараланыбдыр.
Һәмас һәрәкатынын һәрби голу олан «Иззәддин Әлгәссам» баталјонларынын сөзчүсү дүнән ахшам бир бәјанатда сионист һәрбчиләрин Мәсҹидуләгсадан вә гәсб олунмуш Гүдсдәки «Шејх Ҹәрраһ» мәһәлләсиндән чыхмалары үчүн мөһләт тәјин едиб.
Сионист режимин баш назири Бенјамин Нетанјаһу да билдирибдир ки, бу режим ҝүҹ илә ҹаваб верәҹәк вә һазыркы тоггушмалар бир мүддәт давам едә биләр.
342/
