АБНА24 Хәбәр Верир, Әл-Әгса мәсҹидиндә ҹүмә намазында он минләрлә фәләстинлинин иштиракы вә даһа сонра Бејнәлхалг Гүдс Ҝүнү мүнасибәтилә Әл-Әгса мәсҹидинин һәјәтләриндә ибадәт едәнләрин топланмасы сионист режимдә һиддәт вә горхуја сәбәб олуб. Сон ҝүнләрдә Гүдс халгына гаршы едилән бүтүн мәһдудијјәтләрә вә һүҹумлара бахмајараг, сионистләр Әл-Әгса мәсҹидиндә мүсәлманларын топлашмаларына мане ола билмәјибләр.
Сионист режим һәрбчиләри Әл-Әгса мәсҹиди илә јанашы Шејх Ҹәрраһ вә Баб Әл-Әмуд мәһәлләләриндә дә мәзлум фәләстинлиләри өз һүҹумларына мәруз гојублар.
Гәсбкар режимин Гүдсдә төрәтдији вәһшиликләр дүнја дөвләтләринын гынағына туш ҝәлиб. Иран Хариҹи Ишләр Назирлији бәјанат јајараг билдириб ки, бу һәрби ҹинајәт ганунсуз сионист режимин ҹинајәткар маһијјәтини бир даһа дүнјаја ҝөстәрди вә инсан һүгугларынын ән фундаментал принсипләринин позулмасыны дајандырмаг үчүн тәҹили бејнәлхалг тәдбирләрин ҝөрүлмәсинин ваҹиблијини сүбут етди.
Түркијәнин дә Хариҹи Ишләр Назирлији бир бәјанат јајарг, сионистләрин ҝүнаһсыз инсанлара гаршы һәрби һүҹумуну гејри-инсани адландырыб.
Назирлик Исраил режимини ағыллы олмаға вә бу кими һадисәләрә сәбәб ола биләҹәк дүшмәнчилик вә тәхрибатчы мөвгеләрдән чәкинмәјә чағырыб.
Дејилдијинә ҝөрә Гүдсдә баш верән гаршыдурма ҝөзләнилән иди. Белә ки, иртиҹачы режим фәләстинлиләри зорла бу мүгәддәс шәһәрдән көчүрмәјә ҹәһд етмәклә јәһудиләшдирмә планларыны һәјата кечирмәјә чалышыр. Она ҝөрә дә шәһәрин дүз ортасында јерләшән Шејх Ҹәрраһ мәһәлләси бу дәфә Исраилин диггәт мәркәзинә кечмишдир. 3 мин мүсәлманын јашадығы Шејх Ҹәрраһ Гүдсүн шәрг вә гәрбини бир-биринә говушдурур.
Һазырда сионистләр Шејх Ҹәрраһы фәләстинлиләрдән тәмизләјиб хариҹдән ҝәлмә јәһудиләри бурада мәскунлашдырмагла өз експансијаларыны тәкимилләшдирмәк нијјәтиндәдирләр. Бу истигамәдә фәләстинли аиләләр зорла бурадан чыхарылыр вә әмлаклары мүсадирә олунур. Лакин јерли фәләстинли сакинләр өз евләри вә әмлакларыны тәслим етмәкдән имтина едәрәк мүгавимәт јолуну сечмишләр. Бу сәбәбдән дә Шејх Ҹәрраһ мәһәлләси бу ҝүнләрдә Исраил гаршысында мүгавимәт символуна чеврилиб вә јерли сакинләр ганлары һесабына белә ҝери чәкилмәк фикриндә дејилдирләр.
Гејд едәк ки, Исраил режимин Гүдсдә вандаллығы бу шәһәрин Доналд Трамп тәрәфиндән бејнәлхалг ганунлара зидд олараг ишғалчы режимә аид олдуғуну билдирмәсиндән вә АБШ сәфирлијинин бураја көчүрүлмәсиндән сонра даһа да шиддәтләниб. Анҹаг бир мәсәлә ајдындыр ки, сионистләрин дөвләт терроризми ҝенишләндикҹә, Фәләстин халгы сыраларыны даһа артыг мөһкәмләдир вә амаллары уғрунда бирләшәрәк мүбаризәни ҝүндәмдә сахлајыр.
Иран Ислам Ингилабынын Алимәгамлы Рәһбәри Һәзрәт Ајәтуллаһүлузма Хаменеи дә сон Гүдс бәјанатында бу мәсәләјә тохунараг вурғуладылар ки, бу ҝүн фәләстинлиләрин ән бөјүк силаһы вәһдәтдир. Бу вәһдәтин меһвәри дахилдә ҹиһад вә дүшмәнә етимадсызлыг олмалыдыр. Фәләстинлиләр өз сијасәтләриндә әсас дүшмәнләри олан Америка, Инҝилтәрә вә сионистләрә етимад ҝөстәрмәмәлидирләр. Фәләстинлиләр, Гәззәдә, Гүдсдә, Гәрб Саһилиндә, 1948-ҹи илдәки әразиләрдә, һәтта дүшәрҝәләрдә бир јумруг кими бирләшмәлидир. Нәзәрә алмаг лазымдыр ки, гүввәләр нисбәти бу ҝүн фәләстинлиләрин хејринә чох дәјишиб. Сионистләр исә һәр ил даһа да зәифләјирләр вә онларын мәғлубијјәти гачылмаздыр.
342/
11 may 2021 - 14:10
Xəbər kodu: 1140077
Сионист режимин гүввәләри ҹүмә ҝүнү мајын 7-дә Әл-Әгса мәсҹидиндә фәләстинли ибадәт едәнләрә һүҹум едәрәк, бир чохуну јаралајыблар.
