Әл-Әгса мәсҹидиндә фәләстинлиләрә гаршы амансызлыг: 178 јаралы вар

АБНА24 Хәбәр Верир, Сионист режимин гүввәләри дүнән (7 мај) ахшам Әл-Әгса мәсҹидиндә фәләстинли ибадәт едәнләрә һүҹум едәрәк, бир чохуну јаралајыблар.

Фәләстин медиасы, илкин статистикаја ҝөрә, сионист силаһлыларын Әл-Әгса мәсҹидинин ичәрисиндә ибадәт едәнләрә етдији шиддәтли һүҹум нәтиҹәсиндә ән азы 178 фәләстинлинин јараландығыны билдириб.

Гаршыдурмалар һал-һазырда Әл-Әгса мәсҹидиндән ҹүмә ҝүнү сионист әсҝәрләр тәрәфиндән бағланмыш вә јашајыш мәнтәгәләри хариҹиндәки фәләстинлиләрин ичәри ҝирмәсинә иҹазә вермәдији Баб Әл-Әмуда дарвазасына гәдәр әразини әһатә едир.

Гүдсүн мәркәзиндәки Баб Әл-Әмуд бөлҝәси сон 10 ҝүндә сионист әсҝәрләрлә Гүдс халгы арасында тоггушмалара сәһнә олуб. Гүдс сакинләри Исраил режиминин Гүдсү јәһудиләшдирмә програмынына иҹазә вермәјәҹәкләрини вурғулајырлар.

Мәлуматда гејд олунур ки, Әл-Әгса мәсҹидиндә ҹүмә намазында он минләрлә фәләстинлинин иштиракы вә даһа сонра Бејнәлхалг Гүдс Ҝүнү мүнасибәтилә Әл-Әгса мәсҹидинин һәјәтләриндә ибадәт едәнләрин топланмасы сионист режимдә һиддәт вә горхуја сәбәб олуб. Сон ҝүнләрдә Гүдс халгына гаршы едилән бүтүн мәһдудијјәтләрә вә һүҹумлара бахмајараг, Әл-Әгса мәсҹидиндә мүсәлманларын топлашмаларына мане ола билмәјибләр.

Бу арада Фәләстинин Ислами Ҹиһад һәрәкатынын баш катиби Зијад Ән-Нәххалә ҹүмә ҝеҹәси Гүдсдә баш верәнләрә сәрт реаксија верәрәк, белә дејиб: “Гүдсдә баш верәнләр гаршысында сусмаг мүмкүн дејил вә дүшмән һәр заман ҹавабымызы ҝөзләмәлидир”.

Фәләстин Ислами Мүгавимәт Һәрәкаты (ҺӘМАС) да ҹүмә ҝеҹәси Әл-Әгса мәсҹиди һадисәсинә реаксија олараг белә бир бәјанат вериб: “Ишғалчы режимин Мәсҹидүл-Әгсаја ибадәт едәнләрә етдији ишләр, сионист мүһарибәсинин Гүдс халгына вә ибадәт азадлығына гаршы олдуғуну ҝөстәрир”.

ҺӘМАС-ын лидери Исмајыл Һанијә сионист әсҝәрләрин Әл-Әгса мәсҹидинә һүҹумунун нәтиҹәләри барәдә хәбәрдарлыг едәрәк, сионист режимин фәләстинли ибадәт едәнләрә гаршы һүҹумларыны дајандырмаг үчүн бир сыра јерли мәмурлара зәнҝ етдијини сөјләјиб.

Һанијә Нетанјаһуја хәбәрдарлыг едәрәк, белә дејиб: “Одла ојнамајын, әлимиздә олан һәр шејлә Әл-Әгса мәсҹидини вә Шејх Ҹәрраһы мүдафиә едирик вә бу дөјүшүн мәғлуб оланы сизсиниз”.

Фәләстин Мухтаријјәтинин башчысы Маһмуд Аббас да белә бир бәјанат вериб: “Бејнәлхалг иҹтимаијјәти милләтимизин бејнәлхалг дәстәји вә мүгәддәсликләримиз үчүн бүтүн мәсулијјәти өз үзәринә ҝөтүрмәјә чағырырыг. Дүшмән Гүдсдә нәтиҹәси билинмәјән ахмаглыг етди.

342/